އޮރިޔާމުން ހުރި ފުރޭތައެއް ކުރަހާފަ ދީފި

އޮޅުވެލިފުށީ ސުކޫލުގެ ދަރިވަރަކު ކައިރީ އޭނާގެ މުދައްރިސް ފުރުޓެއް "މޭވާއެއް" ކުރަހައިގެން ގެންނަން އެންގުމުން ފުރޭތައެއް ކުރަހައި ކުލަ ޖައްސައިގެން ގެނެސްފިކަމަށް ސުކޫލުގެ ލީޑިން ޓީޗަރަކު  "އެން.ޔޫ.އެން" އަށް  މައުލޫމާތު ދީފިއެވެ. މިކަމެއް ހިނގާފައި ވަނީ މިދިޔަ އަންގާރަ ދުވަހުކަމަށާއި މިކަމާއި ގުޅިގެން ކުއްޖާ ވަނީ "އަންގާލަންދެން ގޭގައި މަޑުކޮށްލުމަށް" ގެއަށް ފޮނުވާލާފައެވެ. ގްރޭޑް 2 ގައި ކިޔަވާ މިކުއްޖާގެ ބެލެނިވެރިޔަކީ ކުރީފަހަރެއްގައި ސުކޫލުގެ މުދައްރިސެއް ފެންވަރަން އޮއްވާ ގިފިލި ބެލި މީހެއް ކަމަށްވެސް   "އެން.ޔޫ.އެން" އަށް މައުލޫމާތު ލިބިފައިވެއެވެ. "އެއްވެސް ޙާލެއްގައި ކުޑަކުދިންނަށް ރަނގަޅު ތަރުބިއްޔަތު ދޭން އުޅޭ ބައެއް ނޫން މި ރަށުމީހުންނަކީ އެއް... އަޅުގަނޑެއް ނުބުނަން ރޯ އޮރިޔާމުން ހުރި ފުރޭތައެއް ކުރަހައިގެން ކުލަ ޖައްސައިގެން ގެންނާކަށް... އަޅުގަނޑުބުނީ މާދަމާ އަންނައިރު ބްރެސަލް ބޯޑަކު ބޮޑުކޮށް މޭވާއެއް 'ފުރުޓެއް' ކުރަހައިގެން ގެންނަން.... އަނެއްކާ މި ކުއްޖާ އަކީ ކިޔެވުމާވެސް އެހާ ދުރުކުއްޖެއް..... ހޯމްވޯރކް ވެސް ނުނިންމާ އަންނަނީ.....މިކަމާއި ގުޅިގެން ކުއްޖާ ވާނީ އަންގާލަންދެން މަޑުކުރުމަށް ގެއަށްވެސް ފޮނުވާލާފައި.... މީ ދެން ފުކެއް ބޮޑުވަރު ކަންނޭނގެ.... ދަރިން ހަދަން އެނގޭ.... ނަސީބެއްނުން ޖޯޑުވަން އެނގޭކަންވެސް ދެއްތޯ..."  ސުކޫލުގެ ލީޑިން ޓީޗަރު "އެން.ޔޫ.އެން" އަށް މައުލޫމާތު ދެމުން ބުންޏެވެ. އޮޅުވެލިފުށީ ސުކޫލަކީ 308 ދަރިވަރުން ކިޔަވަމުންދާ ވަރަށް ފެންވަރު ރަނގަޅު ސުކޫލެކެވެ. މިހާރު މިރަށުގައި ވަނީ މި ސުކޫލުގެ އާ އިމާރާތެއް އެޅުމަށްޓަކައި ކުރީގެ ގަބުރުސްތާނު އޮތްތަންވެސް ގަބުރު ނަގައި ބިން ސާފުކޮށްފައެވެ. މިކަމާއި ގުޅިގެން ދަރިވަރުގެ ބެލެނިވެރިޔާއަށް ގުޅާލުމުން ބުނީ "އަހަރެމެން މީ ކިޔަވައިގެން ތިބި ބަޔެއް ނޫން... ފުރުޓާ ފުރޭތަޔާ ކިޔާ ގޮތް ކިހާ އެއްވައްތަރު.... މަ އެސޮރު ނުނިދަން އުޅޭ އިރުން 'ފުރޭތަ' އުޅޭ ބިރުވެރި ވާހަކަ ވެސް ކިޔައި ދެން.... މަ ހީކުރީ މުދައްރިސް  އެބުނުއްވީ ފުރޭތައެއް ކުރަހާށޭ ކަމަށް... ފުރޭތަ އަކީ ކާފަރު ޖިންނި އެއް.... ކާފަރު ޖިންނި ތިބޭނީ ރޯ އަމަށުން... އެހެންވެ އޮރިޔާމުން ހުރި ފުރޭތައެއް ކުރަހާފަ ދިނީ.... މި ނުވާނެ ދޯ ބަރަހަނާ މަންޒަރު ކުޑަ ކުދިންނަށް ދެއްކީ ކަމަކަށް.... އަހަރެމެންނަށް އެނގޭނީ މަޑި ހިފަން.... ދެން އަނބިމީހާއާއެކު 'ޒިނޭ' ކުރަން.... ދަރިންނަށް ކިޔަވައިދިނަސް ވަޒީފާއެއްވެސް ލިބޭނީ އަކީ ނޫން...." ކަމަށެވެ. މިކަމާއި ގުޅިގެން މި ދަރިވަރުގެ ބައްޕަ ވަނީ ޕޮލިހުންގެ ބެލުމުގެ ދަށުގައި ހައްޔަރު ކުރުމަށްފަހު ގޭބަންދަށް ދޫކޮށްލާފައެވެ.  (ނައިފަރު އަޕްޑޭޓް ނިއުސް ޓީމް) ގޏޤ

(މިއީ ކިޔުންތެރިއެއް ފޮނުއްވެވި ލިޔުމެކެވެ. ތިޔަބޭފުޅުންގެ ލިޔުންފުޅުތަށް އީމެއިލް ކުރެއްވުމުން އެއްވެސް އުނި އިތުރެއް ނެތި މި ބްލޮގުގައި ޝާއިޢު ކޮށްދޭނަމެވެ. އަޅުގަނޑުމެންގެ އީމެއިލް އަކީ  naifarunews@gmail.com  އެވެ. މިއީ ރާއްޖޭގައި މިވަގުތު އެންމެ ގިނަ ބޭފުޅުން ވިދާޅުވާ ބްލޮގް ކަމަށް ވީތީ މި ބްލޮގް ވިދާޅުވެލައްޥާ ހުުރިހާ ބޭފުޅުންނަށް ޝުކުރުދަންނަވަމެވެ.)

އިތުރަށް.. »

އަލަތު ކާވެނީގެ ފުރަތަމަ ރޭ މަރުވި އަންހެން ކުއްޖެއް

އަލަތު ކާވެނީގެ ފުރަތަމަ ރޭ މަރުވި އަންހެން ކުއްޖެއް

 

އުމުރުން ދުވަސްވީ ފިރިހެނުން، ޅަ އަންހެން ކުދިންނާ އިނުމަކީ، ބައެއް އިސްލާމީ ގައުމުތަކުގައި އަދިވެސް ދެމިއޮތް އާދައެކެވެ. އެފަދަ އެއް ގައުމަކީ، ޔަމަނުކަރަ އެވެ. އެގައުމުގެ ބައެއް ރަށްތަކާއި އަވަށްތަކުގައި މިހާރުވެސް ޅައަންހެން ކުދިންނާ ކާވެނިކުރެ އެވެ. މިއީ، ދާދިފަހުން ކުރި އެފަދަ ކާވެންޏެއްގައި ހިނގި ހިތާމަވެރި ހާދިސާއެއްގެ ވާހަކަ އެވެ.
ޢުމުރުން 24 (ސައުވީސް) އަހަރުގެ ޢިމާދާއި، އުމުރުން 13 (ތޭރަ) އަހަރުގެ އިލްހާމުގެ ކާވެނިކުރެވުނީ، ތަބާދުލު ކާވެންޏެއްގެ ގޮތުގަ އެވެ. މީގެ މާނައަކީ، ޢިމާދު އަންހެން ކޮއްކޮ، އިލްހާމުގެ ބޭބެ ޢަބްދު ﷲ އާ ކާވެނިކޮށްދޭ މަތިންނެވެ. ނަމަވެސް ޢިމާދާއި އިލްހާމުގެ ކާވެނި ވެގެން ދިޔައީ، ހިތާމަވެރި ހާދިސާއެއް ކަމަށެވެ.
އަލަތު ކާވެނީގެ ރޭކުރުން ނިމި، ޖެހިގެން އައި ދުވަހުގެ ހެދުނު އިރުއެރިއިރު، އިލްހާމުވަނީ، ލެއެއް، ފުރާނައެއް ނެތް މައްޔިތަކަށް ވެފަ އެވެ! ޑަކުޓަރުން އިލްހާމުގެ ހަށިގަނޑު ބެލުމަށްފަހު ނެރުނު ރިޕޯޓްގައި އޭނާގެ މަރުގެ ސަބަބު ލިޔެފައިވެ އެވެ. "އަލަތު ކާވެނީގެ އެއްދާންކުރުމުގެ ތެރޭގައި އޭނާގެ ނިވާމަގުގެ އެތެރެ ވަނީ، މާބޮޑަށް އިރައިރައިގެން ގޮސްފަ އެވެ. އެކަމުގެ ސަބަބުން އޭނާގެ ހަށިގަނޑުން ލޭފައިބައި، ލޭހުސްވެގެން މަރުވީ އެވެ!"
މިކަމާ ގުޅިގެން، އިލްހާމުގެ ފިރިމީހާ ޢިމާދު ބުނީ، އެރޭ އިލްހާމާއެކު އެއްދާން ނުކުރެވުނު ކަމަށެވެ! އިލްހާމަކީ ބަލި ކުއްޖެއް ކަމަށްވެފައި، އަދި އޭނާ އެއްދާންކުރަން ބިރުގަންނާތީ އެކަން ނުކުރެވުނީ ކަމަށެވެ!
މިކަމާ ގުޅިގެން، އިލްހާމުގެ ބޭބެ ޢަބްދު ﷲ ބުނީ، އިލްހާމުގެ މަރުވެފައިވާ ހަށިގަނޑު އޭނާގެ އާއިލާއިން ބޭނުންނުވާ ކަމަށެވެ. އެކަމަކު އެ އާއިލާއިން ބޭނުންވަނީ މަރަށް މަރުހިފަން ކަމަށެވެ. އޭނާގެ ނަޒަރުގައި އިލްހާމުގެ ގާތިލަކީ، ޢިމާދެވެ. އެހެންވީމާ، ޢިމާދުގެ ކިބައިން ޤިޞާޞް ހިފައި، އޭނާ މަރަންޖެހޭނެ އެވެ!
މި ހާދިސާ ވެގެން ދިޔައީ، ޅައަންހެން ކުދިންނާ ކާވެނިކުރުމުގެ މައްސަލަ އަނެއްކާވެސް ޔަމަނުކަރައިގައި ފެންމަތިކުރުވި ނުރައްކާތެރި ހާދިސާއެއް ކަމަށެވެ. މި ހާދިސާއާ ވިދިގެން، ޅައަންހެން ކުދިންނާ ކާވެނިކުރުން މަނާކުރުމަށް އެދި، އެތައް ބަޔަކު މުޒާހަރާތައް ވެސް ކޮށްފައިވެ އެވެ. އެ މުޒާހަރާތަކުގައި ގޮވާލާފައިވަނީ، އަންހެން ކުދިންނަށް ކާވެނިކުރުން ހުއްދަވާނެ ޤާނޫނީ އުމުރެއް ކަނޑައަޅައިދިނުމަށެވެ

.

އިތުރަށް.. »

ށ. ފޭދޫގައި 15 އަހަރުގެ އަންހެން ކުއްޖަކު އިއްޔެ ވިހެއި ދަރިފުޅު "މަރާލި" ކަމުގެ ތުހުމަތުގައި އެ އަންހެން ކުއްޖާގެ މަންމަ އާއި ދޮން ބައްޕަ ފުލުހުން ރޭ ހައްޔަރުކޮށްފި އެވެ.

އެނގިފައިވާ ގޮތުގައި އެ ދެ މީހުން މިހާރު ތިބީ ފުނަދޫގައި ހުންނަ ށ. އަތޮޅު ޕޮލިސް ސްޓޭޝަންގެ ބެލުމުގެ ދަށުގަ އެވެ.

ފޭދޫ ކައުންސިލުން ބުނީ ދުވަސް ފުރައި އަންހެން ދަރިއަކު ވިހެއި 15 އަހަރުގެ ކުއްޖާ އަށް އެ ރަށު ސިއްހީ މަރުކަޒުގައި ފަރުވާދިނުމަށް ފަހު މިހާރު ވަނީ އަތޮޅު ހޮސްޕިޓަލަށް ބަދަލުކޮށްފައި ކަމަށެވެ. އެކަމަކު އޭނާ ވިހާފައި ވަނީ ގޭގަ އެވެ.

ތުއްތު ކުއްޖާ ފުލުހުން ހޯދީ އިރުއޮއްސި 30: 6 ހާއިރު އެ ގޭގެ ގިފިލި ތެރޭގައި ވަޅުލާފައި އޮއްވަ އެވެ.

ފޭދޫން ވާހަކަ ދެއްކި ބައެއް މީހުން ބުނީ މަންމަ އާއި ދޮން ބައްޕަ އަށް ފުރަތަމަ ނުވިއްސިގެން އެމްބިއުލެންސްގެ ނަމްބަރު ހޯދަން އެ އާއިލާގެ އަންހެނަކަށް ގުޅުމުން އޭނާ އެ ގެއަށް ދިޔަ ކަމަށެވެ. އެ ކުއްޖާ ވިއްސަން އުޅޭކަމުގެ އަޑު ރަށު ތެރެއަށް ފެތުރުނީ އެ އަންހެން މީހާގެ ސަބަބުން ކަމަށާއި ކައުންސިލްގެ އިދާރާ އަށް އެންގީ އާއިލާ އިން ކަމަށް ވެސް ކައުންސިލަރެއް ކަމަށްވާ ހުސެން ސޯލިހު ވިދާޅުވި އެވެ.

ކައުންސިލުން މައްސަލަ ފުލުހުންނަށް ރިޕޯޓްކުރުމަށް ފަހު ކައުންސިލްގެ ބައެއް މެމްބަރުންނާއި ބައެއް އާންމުން އެ ގޭ ދޮށަށް ދިއުމުން ދޮންބައްޕަ އާއި އަންހެން ކުއްޖާގެ މަންމަ އެގެއަށް އެއްވެސް މީހަކު ނުވެއްދި ކަމަށް ރަށުން ވާހަކަ ދެއްކި މީހުން ބުންޏެވެ.

"އޭރު ވެސް އަންހެން ކުއްޖާ ކުކުރާ އަޑު ވެސް ބައެއް މީހުންނަށް އިވޭ. އޭނަ [ވިއްސުވަން އުޅެނިކޮށް އެ ގެއަށް އަންހެން މީހާ] ދިޔައިރު ކުއްޖާގެ ބޯ ފެންނަން އޮތް ކަމަށް ވަނީ. އޭނާ ކައިރީގައި ބުނި ކަމަށް ވަނީ އެއީ ކަމެއް ނޫނޭ، [އަންހެން ކުއްޖާ] ބޭރަށް ހިންގާތީއޭ އުޅެނީ،" އެ ރަށުން ވާހަކަ ދެއްކި މީހަކު ބުންޏެވެ. "އެންމެންނަށް ވެސް އެނގޭ އަންހެން ކުއްޖާ ވިއްސުވަންކަން އުޅެނީ، އެހެންވެ ގޭގެ ވަށައިގެން ތިބީ. އޭގެ އިރުކޮޅެއް ފަހުން ކުޑަކުއްޖަކު ރުއި އަޑު ވެސް ބައެއް މީހުންނަށް އިވުނު ކަމަށްވޭ."

ކައުންސިލުން ފުލުހުންނަށް އަންގައިގެން ފުލުހުން އެ ގެއަށް ދިޔައިރު ވިހެއި ކަމުގެ ނިޝާނެއް ވެސް އެ ގެއިން ފެންނާކަށް ނެތެވެ. ލޭތައް ވެސް ސާފުކޮށް، މަސް ވެސް ފޮރުވާފައިވާއިރު، އަންހެން ކުއްޖާ ވެސް ރަނގަޅަށް ވާހަކަ ދައްކާ ހަދާ ކަމަށްވެ އެވެ. އެ ގޭގައި ވިއްސިކަމަށް ދޮން ބައްޕަ އާއި މަންމަ އެއްބަސްނުވުމުން، ފުލުހުން ހޯދި ހޯދުމުން އެ ކުއްޖާ ވަޅުލާފައި އޮތް ތަން ފެނުނީ ގިނަ ތަންތަން ބަލައި ފާސްކޮށް، އަދި ބައެއް ތަންތަން ކޮނުނު ފަހުން ކަމަށް ވާހަކަ ދެއްކި އެ ރަށުގެ މީހަކު ބުންޏެވެ.

"އެއްވެސް އެއްޗަކަށް ނުލައި ވަޅުގަނޑެއް ކޮނެފައި ވަރަށް ތިލަކޮށް ވަޅުލާފައި އޮތީ ވެސް. އެ ކުއްޖާގެ ބަރުދަން ބަލައި ނުހެދި ނަމަވެސް ތިން ކިލޯވަރު ހުންނާނެ ކަމަށް ޑޮކްޓަރުން ލަފާކުރޭ،" އެ ރަށު ސިއްހީ ދާއިރާގައި އުޅޭ މީހަކު ބުންޏެވެ.

ދޮން ބައްޕަގެ މައްޗަށް ތުއްތު ކުއްޖާ މަރާލުމުގެ ތުހުމަތުކޮށް، ރަށު ތެރޭގައި އޭނާއާ މެދު ރުޅިވެރިކަން އުފެދި، އެ ގޭދޮށަށް އެއްވެފައި ތިބި މީހުންނާއި ރަޔަޓް ގިއަރުގައި ތިބި ފުލުހުންނާ މެދު ކޮންމެވެސް ވަރެއްގެ ކުރިމަތިލުމެއް ވެސް ރޭ ހިނގި އެވެ. އަދި ފުލުހުންގެ ވާޖިބަށް ހުރަސްއަޅައިގެން ހަތަރު މީހަކު ހައްޔަރުކުރި ކަމަށް ބުނެ އެވެ.

ހައްޔަރުކުރި މީހުންގެ ތެރޭގައި ކައުންސިލްގެ ނައިބު ރައީސް އިބްރާހިމް ނައުޝާދު ހިމެނެ އެވެ. އެކަމަކު މިއަދު މެންދުރެއްހާއިރު އޭނާ ދޫކޮށްލާފައިވާ ކަމަށްވެ އެވެ.

ފޭދޫގެ ބައެއް މީހުން ބުނިގޮތުގައި މި އަހަރުގެ ފުރަތަމަ ޓާމްގެ ތެރޭގައި އެ ކުއްޖާ ސްކޫލަށް ދިއުން ހުއްޓާލާފައި ވަނީ ނަހަލާލަށް ބަލިވެ އިނުމާ ގުޅިގެންނެވެ. އެ ކުއްޖާ ބަލިވެ އިން މައްސަލަ ރަށުގެ އެކި މީހުންނާއި ކައުންސިލުން ވެސް ފުލުހުންނާއި ޖެންޑާ އަށް ހުށަހަޅާފައިވާ ކަމަށް ކައުންސިލުން ބުންޏެވެ. އަދި މިދިޔަ އަހަރު ކައުންސިލް އުފެދުމުގެ ކުރިން ވެސް، އެ ކުއްޖާއާ ބައެއް މީހުން ޖިންސީގޯނާކުރާ ކަމަށް އޭރުގެ ރަށު އޮފީހުން ޕޮލިހަށް ހުށަހަޅާފައި ހުރި ލިޔެކިޔުންތައް ހުރި ކަމަށް ކައުންސިލްގެ މެމްބަރަކު ވިދާޅުވި އެވެ.

"އެ ކުއްޖާ ބަނޑުބޮޑުވި މައްސަލަ ކައުންސިލުން ޖެންޑާ އާއި ޕޮލިހުންނަށް ހުށަހަޅައި އެ މައްސަލަ ބަލަމުން ދަނިކޮށް ވިހެއީ،" ކައުންސިލްގެ މެމްބަރަކު ވިދާޅުވި އެވެ.

އެ އަންހެން ކުއްޖާ ވިހާފައި ވަނީ ދޮން ބައްޕަ އަށް ކަމަށް ވެސް ރަށު ތެރޭގައި ވާހަކަ ދެކެވެ އެވެ. އޭގެ ސަބަބުތަކެއް ވެސް އެ ރަށުން ވާހަކަ ދެއްކި ބައެއް މީހުން ދެއްކި އެވެ.

"ބަލިވެ އިނދެ ވިހެއުމުގެ ކުރިން ވެސް އެ އަންހެން ކުއްޖާއާ ދޮން ބައްޕަ ބެހޭ މައްސަލަ ޕޮލިހާއި ޖެންޑާ އަށް ވެސް މި ރަށުގެ މީހުން ހަ ފަހަރަށް ހުށަހެޅި. އެ މައްސަލަ ޖެންޑާ އިން އަދި ފުލުހުން ވެސް ބެލި. އެ ނޫނަސް ދޮން ބައްޕަ އޭނާއާ ގުޅުން ހިންގާކަން މި ރަށުގެ ގިނަ ބައަކަށް އެނގޭ، އެކަހަލަ މަންޒަރުތަކެއް ވެސް ފެނިފައި ހުރީ،" އެ ރަށުން ވާހަކަ ދެއްކި ޒުވާނަކު ބުންޏެވެ.

ދޮން ބައްޕަގެ އިތުރުން ވެސް ދޮން ބައްޕަގެ ރައްޓެހިންގެ ގޮތުގައި އެ ގެއަށް އަންނަ މީހުންގެ ޝިކާރައަކަށް އެ ކުއްޖާ ވެފައިވާ ކަމަށް ރަށުގެ ބައެއް މީހުން ބުނެ އެވެ. އެ ގޭގައި މީގެ ދެ އަހަރެއްހާ ދުވަސް ކުރިން އުޅުނު ކުޅުދުއްފުށީ މީހަކު ވެސް އެ އަންހެން ކުއްޖާ އަށް ޖިންސީގޯނާކުރާކަން ރަށުގެ ބައެއް މީހުންނަށް ފަޅާއަރައިގެން މަގުމަތީގައި އޭނާއާ އެ ރަށުގެ ބަޔަކު ވަނީ މާރާމާރީ ވެސް ހިންގައިފަ އެވެ.

އެ ކުއްޖާ ބަނޑުބޮޑުވުމުގެ ކުރިން ވެސް އެ ކުއްޖާ ޖިންސީ ޝިކާރައަކަށް ވެފައިވާ މައްސަލަ ޖެންޑާ އިން ބަލައި އެ ކުއްޖާ އެ މާހައުލުން އެކަހެރި ކޮށްފައި ނުވާތީ ކައުންސިލުން ވަނީ އެކަން ކުށްވެރިކޮށްފަ އެވެ.

ކައުންސިލުން ބުނީ އެ ގެއަކީ އެ ކުއްޖާ އަށް ރައްކާތެރި މާހައުލަކަށް ނުވުމުން އެހެން ތަނަކަށް ކުއްޖާ ބަދަލުކުރުމަކީ ޖެންޑާ މިނިސްޓްރީގެ ޒިންމާއެއް ކަމަށެވެ. އަދި ކުއްޖާގެ އާއިލާގެ އިތުރުން ޖެންޑާ އަދި ފުލުހުން ވެސް އެކަމުގައި އިހުމާލުވެފައިވާ ކަމަށް ކައުންސިލުން ބުންޏެވެ.

އިތުރަށް.. »

ސޯމާލިޔާގެ ކަނޑުފޭރޭ ބަޔަކު ހިކަނދިފަތުގެ އިތުރުން ބަކައްޓެއްވެސް ވަގަށް ގެންގޮސްފި

ރޭގެ ދަންވަރުގެ ވަގުތެއްގައި ޅ. ކުރެންދޫއަށް ސޯމާލިޔާގެ ކަނޑުފޭރޭ ބަޔަކު ކަމަށް ޝައްކުކުރެވޭ ބަޔަކު އަރާ ރަށުގެ ތަންތަނާއި ފިހާރަތައް ފަޅާ ރަށުން ގިނަ އަދަދެއްގެ އެއްޗެހި ވަގަށް ގެންގޮސްފިއެވެ. ކުރެންދުއަކީ ފާދިއްޕޮޅުގެ އެންމެ އިރުމަށްޗަށް އޮންނަ ރަށަށްވެފައި ރަށުގެ މީހުން ނިދައި އުޅޭވަގުތު އަވަސްވުމުން ވައްކަންކުރަން ފަސޭހަ ރަށެކެވެ. މިކަމާއި ގުޅިގެން އެރަށުގެ ޑީ.އާރް.ޕީގެ މީހަކަށް ގުޅާލުމުން ބުނީ މިވަގުތު މިހުރީ ރަށުގައި ނޫން ކަމަށާއި ފަހުން ގުޅާލުމުން ސާފު ޖަވާބެއް ދެވިދާނެކަމަށެވެ. ރަށުން ވާހަކަ ދެއްކި މީހަކު ބުނީ ގިނައަދަދެއްގެ ސާމާނު ފިހާރަތަކުން ވަގަށް ގެންގޮސްފައިވާނޭ ކަމަށެވެ. "އަޅުގަނޑު ވަރަށް ހައިރާންވޭ މިރަށަށް ސޯމާލިޔާ މީހުން އެރީމަ... އެމީހުންނަކީ ހަތިޔާރުވެސް ގެންގުޅޭބައެއް... އަނެއްކާ މިމީހުން އެރި ގަޑިއެއް އެރި ދިމާއެއްވެސް ނޭނގޭ... ރަށުގެ ދެފިހާރަވެސް ވަނީ ފަޅާލާފަ... މުޅިންވެސް ނަގާފައިމިވަނީ ކާން ބޭނުން ކުރާ ތަކެތި... ފިހާރަތެރޭގައި ގަނޑެއްގައި ލިޔެފަ އޮތް އިނގިރޭސި ބަހުން

“WE ARE SOMALIANS … LET ME LEAVE TO STEAL”

 މިހެންވެސް .... މީގެ އިތުރުން ދެކުނު ފަރާތު އަތިރިމަތީގައި ހުރި ބަކަރި ކޮށިތަކުން 10 ބަކަރިވެސް ވަނީ ވަގަށް ގެންގޮސްފައި.... އަދި މިރަށު ފަޅުގެޔަކުން ހިކަނދިފަތް ގަސްތަކަކާއި ރާނބާފަތުގެ އިތުރުން ގިނަ އަދަދަކަށް ގިތެޔޮ މިރުހާއި ފަޅޯވެސް ވަނީ ގެންގޮސްފައި... މިކަން މިހާރުވާނީ ޅ.އަތޮޅު ޕޮލިސް ސްޓޭޝަނަށްވެސް އަންގާފައި" ކަމަށެވެ. ކުރެންދޫ އަކީ ދަނޑުވެރިކަމުގެ މަސައްކަތް ފުޅާދާއިރާއެއްގައި ކުރާ އާބާދީ މަދު ރަށެކެވެ. މިރަށުގެ ބަނދަރުން މީގެ ކުރިންވަނީ ކިނބުލެއްވެސް ފެނިފައެވެ. "އަޅުގަނޑެއް ނުބުނާނަށް ތި އީ ސޯމާލިޔާ ބަޔަކުން ކުރި ވައްކަމެކޭ... ސޯމާލިޔާ ގެ ކަނޑުފޭރޭ މީހުންނަކަށް ނޭނގޭނެ ލިޔަން ކިޔަންވެސް... މަވެސް ވައްކަން ކޮށްފަ ލިޔަން ވީ ދޯ މަ މީ ސޯމާލިޔާ މީހެކޭ.... އަނެއްކާ ސޯމާލިޔާ މީހުން ނުގެންދާނެ ހިކަނދިފަތާ ބަކައްޓަކާވެސް.... އެމީހުން ބޭނުން ވާނީ ޑޮލަރާއި އަގުބޮޑެތިމުދާ... އަނެއްކާ ހަމަ ނުޖެހޭ ވާހަކައެއް އެއީ މިރަށަށް އަރަން އެމީހުން އައި ގޮތް.... ރޭގަ ނުލާހިކު ބޯކޮށް ވާރޭ ވެހުން.... 12 ޖެހީއްސުރެ 4 ޖަހަންދެކަށް ބޯކޮށް ވާރޭ ވެހުން... ދަނޑިވަޅު ބަލާފަ، ވަރަށް ރާވައިގެން ކޮށްފަ އޮތް ޕަރފެކްޓް ކްރައިމެއް ތިއީ...." ރަށުން ވާހަކަ ދެއްކި މީހަކު  "އެން.ޔޫ.އެން" އަށް މައުލޫމާތުދެމުން ބުންޏެވެ. މިމައްސަލަ މިހާރު ދަނީ މޯލްޑިވްސް ޕޮލިސް ސަރވިސް އިން ތަހުޤީޤު ކުރަމުންނެވެ. ެ. (ނައިފަރު އަޕްޑޭޓް ނިއުސް ޓީމް) ޝމނ

_{­­­­­­­­­­}

އިތުރަށް.. »