ގާނޫނީ ވެރިކަން ރިޝްވަތު ހުށަހަޅައިގެން ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ ކުރީގެ ރައީސް މައުމޫން ޢަބްދުލްޤައްޔޫމް، މާފުށީ ޖަލުން ދޫނިދޫ ޖަލަށް ބަދަލުކޮށްފިއެވެ.
މައުމޫންގެ ވަކީލު މައުމޫން ޙަމީދު ކުރެއްވި ޓްވީޓެއްގައި ވިދާޅުވީ ރައީސް މައުމޫން ދޫނިދު އަށް ބަދަލުކޮށްފައިވާ ކަން އެމަނިކުފާނުގެ ދަރިކަނބަލުން ޔުމްނާ މައުމޫނަށް ފުލުހުން މިއަދު އަންގާފައިވާ ކަމަށާ، މިއަދު ހަވީރު 4:30 އާ ހަމައަށް ރައީސް މައުމޫން ދޫނިދުއަށް ބަދަލުކުރަން އުޅޭކަން ޢާއިލާއަށް އަންގާފައިނުވާ ކަމަށެވެ.
މާލޭގައި ކުއްލި ނުރައްކަލުގެ ހާލަތު އިއުލާނުކުރުމަށް ފަހު ރައީސް މައުމޫން ހައްޔަރުކޮށްފައިވާ އިރު ފުލުހުން އޭނާގެ މައްޗަށް ކުރާ ތުހުމަތުތަކަކީ ރައްޔިތުންގެ މަޖިލީހުގެ މެމްބަރުންނަށް ރިޝްވަތުދީ، ގާނޫނާ ޚިލާފަށް ވެރިކަން ބަދަލުކުރުމަށް މަސައްކަތް ކުރުމާއި ފަނޑިޔާރުންގެ މަސައްކަތަށް ނުފޫޒު ފޯރުވައި، ވަކި ގޮތަކަށް ހުކުމްތައް ނެރުމަށް ފަނޑިޔާރުންނަށް ރިޝްވަތުގެ ގޮތުގައި ފައިސާ ދިނުމުގެ ތުހުމަތެވެ. ނަމަވެސް ރައީސް މައުމޫން އެކަން ދޮގުކުރެއެވެ.
.:ނައިފަރު އަޕްޑޭޓް ނިއުސްޓީމް:. މއޝރ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..