ފަނޑިޔާރު ކަމުގެ ހުރިހާ ޒިންމާތަކުން ސުޕްރީމް ކޯޓުން މިދިޔަ އަހަރު ނެރުނު އަމުރަކުން ދުރުކުރި ސިވިލް ކޯޓުގެ ގާޒީ މަރިޔަމް ވަހީދު ދެވަނަ ފަހަރަށް ވަޒީފާއަށް ނިކުމެވަޑައިގަތުމަށް އަންގައިފި އެވެ.
ގާޒީ މަރިޔަމް މަގާމުގެ ޒިންމާތަކުން ދުރުކުރީ ކޯޓުތަކުގައި ޝަރީއަތް ކުރުމުގެ ވިލާޔަތާއި އަހުލިއްޔަތާއި ޝަރުއިއްޔަތު ގެއްލިފައިވާ ކަމަށް ސުޕްރީމް ކޯޓުން ކަނޑައަޅައި، މިދިޔަ އަހަރުގެ ފެބްރުއަރީ މަހުގެ ތެރޭގަ އެވެ. ފަނޑިޔާރުކަމުގެ ޒިންމާތަކުން މަރިޔަމް ދުރުކުރީ ވ. ބޮޑުމޮހޮރާ ކިޔާ ރަށެއް މެރިން ޓެކްނޮލޮޖީ ކިޔާ ކުންފުންޏަކާ ހަވާލުކުރަން ދައުލަތުގެ މައްޗަށް އަމުރުކޮށް، އޭނާ ކުރެއްވި ހުކުމަކާ ގުޅިގެންނެވެ.
ގާޒީ މަރިޔަމް އަލުން ވަޒީފާ އަށް ނުކުމެވަޑައިގަތުމަށް އަންގާފައިވަނީ މި ހަފުތާގެ ތެރޭގަ އެވެ. އެހެން ނަމަވެސް އޭނާ ވަޒީފާއަށް އަލުން ނުކުންނަވަން ފައްޓަވާނީ އަންނަ މަހުގެ ފުރަތަމަ ހަފުތާ އިން ފެށިގެންނެވެ. އެކަމާ ބެހޭ ގޮތުން އެއްވެސް ފަރާތެއްގެ ބަހެއް އަދި މިހާތަނަކަށް ނުލިބެއެވެ.
.:ނައިފަރު އަޕްޑޭޓް ނިއުސްޓީމް:. މދޙ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..