މިހިނގާ ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރު ކުރި ސްރީލަންކާގެ ޕޮނިއާ ސުދާގަރަށް ވަކީލެއްގެ ފުރުސަތު ނުދޭ ކަމަށް ބުނެ އެމައްސަލާގައި ސްރީލަންކާގެ ބައިވެރި ވުމަށް ވަކީލުން އެދެފިއެވެ.
ޕޮނިއާ ސުދާގަރަށް ވަކީލެއްގެ އެހީތެރިކަން ދިނުމަށް ފުލުހުން ދެކޮޅު ހަދަމުން ދާ ކަމަށް އޭނާގެ ވަކީލުން ވަނީ ކަންބޮޑުވުން ފާޅުކޮށް ބަޔާނެއްވެސް ނެރިފައެވެ. މިއަދު ވަކީލުން ވަނީ އެމައްސަލަ ސްރީލަންކާގެ ހައި ކޮމިޝަނަށް ރަސްމީކޮށް ހުށަހަޅައި، ސްރީލަންކާގެ އެހީތެރިކަމަށް އެދިފައެވެ.
މައްސަލައިގައި ގާނޫނީ ވަކީލެއްގެ ގޮތުން ވަކީލު މުހައްމަދު ފައްވާޒު އައްޔަނުވުމަށް ހުށަހެޅުމުން، ގާނޫނީ ވަކީލެއް ބޭނުން ނުވާ ކަމަށް ޕޮނިއާ ބުނެފައިވާ ކަމަށް ފުލުހުންނާ ހަވާލާދީ، ވަކީލުން ވަނީ ބުނެފައެވެ.
"ގާނޫނީ ވަކީލުންގެ އެހީތެރިކަން ދިނުމުގެ ދާއިރާއަކީ ހަމަ އެކަނި ތަހުގީގު ހިންގުން ކަމުގައި ނުވާއިރު މައްސަލައެއްގެ ތަހުގީގަށް ގާނޫނީ ވަކީލެއް ބޭނުން ނުވާކަމަށް ބުނުމަކީ ވަކީލެއްގެ އެހީތެެރިކަން ލިބުމުގެ ހައްގު އެއްކޮށް ގެއްލިގެން ދިއުމެއް ނޫން. އެއީ މީގެ ކުރިން އަމަލު ކުރާ އުސޫލެއްވެސް ނޫން،" ބަޔާނުގައި ބުނެފައިވެ އެވެ.
ޕޮނިއާއަށް ގާނޫނީ ވަކީލެއްގެ އެހީތެރިކަން ދިނުމަށް ފުލުހުން ދެކޮޅު ހަދަނީ އޭނާ ލައްވައި ވަކި ގޮތަކަށް ބަޔާން ހޯދުމަށް ކަމަށް ވަކީލު ތުހުމަތު ކުރ އެވެ. އަދި ހިނގަމުންދާ ތަހުގީގު ވަކި ދިމާލަކަށް އަނބުރާލަން މަސައްކަތް ކުރާ ކަމަށްވެސް ވަކީލު ތުހުމަތު ކުރިއެވެ.
.:ނައިފަރު އަޕްޑޭޓް ނިއުސްޓީމް:. ޙއވ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..