މި އަހަރު ރާއްޖެ އިން ޢުމްރާއަށް މީހުން ގެންދިއުމަށް ހުއްދަ ލިބިފައި ނުވާ ކުންފުނިތަކަކުން، ޢުމްރާއަށް މީހުން ގެންދިޔުމަށް ފައިސާ ނަގާ ކަމަށާއި، ރައްޔިތުން އެކަމަށް ސަމާލުވުމަށް އިސްލާމިކް މިނިސްޓްރީން އިލްތިމާސްކޮށްފި އެވެ.
"މި މިނިސްޓްރީން ހުއްދަ ދީފައިނުވާ ކުންފުނިތަކުގެ ހަވާލުގައި ޢުމްރާއަށް ދިޔުމަކީ ޢުމްރާވެރިންނަށް ވަރަށް ގިނަ ތަފާތު ދަތިތަކާ ކުރިމަތިވެދާނެ ކަމެއް ކަމަށް ވާތީ، އެއްވެސް ކުންފުންޏަކުން ހުއްދަ ނެތި ޢުމްރާއަށް މީހުން ނުގެންދިޔުމަށް އަންގަމެވެ." އިސްލާމިކް މިނިސްޓްރީން ނެރުނު ބަޔާނުގައި ބުންޏެވެ.
އިސްލާމިކް މިނިސްޓްރީ އިން ވަނީ ޢުމްރާގެ އަޅުކަން އަދާކުރުމަށް ފައިސާ ދައްކަވާ އިރު، ފައިސާ ދައްކަވާ ކުންފުންޏަކީ މިނިސްޓްރީން ހުއްދަ ދީފައިވާ ކުންފުންޏެއްތޯ ކަށަވަރު ކުރުމަށް ވެސް އިލްތިމާސްކޮށްފަ އެވެ.
މި އަހަރު ޢުމްރާއަށް ރާއްޖެއިން މީހުން ގެންދިއުމަށް ހައްޖު ކޯޕަރޭޝަނާ އެކު އިތުރު 15 ކުންފުންޏަކަށްއިސްލާމިކް މިނިސްޓްރީން ވަނީ ހުއްދަދީފި އެވެ.
އިސްލާމިކް މިނިސްޓްރީން ހުއްދަ ދިން ކުންފުނިތަކަށް ދިން ހުއްދައިގެ ދަށުން މީހުން ޢުމްރާ އަށް ގެންދެވޭނީ އަންނަ އަހަރުގެ ޖަނަވަރީ 24 ވަނަ ދުވަހާ ހަމަ އަށެވެ.
.:ނައިފަރު އަޕްޑޭޓް ނިއުސްޓީމް:. މއޝރ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..