ދޯންޏެއްގައި ރޯވެ، އަނދައި ހުލިވެއްޖެ

މުދާ އުފުލުމަށް ބޭނުންކުރާ، ރީތި ބީޗް ރިސޯޓުގެ ދޯންޏެއްގައި މިއަދު ރޯވެ، ބޮޑުބައެއް އަނދައި ހުލިވެއްޖެ އެވެ.
 އަލިފާން ރޯވިއިރު ދޯނީގައި ތިބީ ދިވެހިންގެ ތިން މީހުންނާއި ބިދޭސީއެއް ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނެއެވެ. ހަމައެފަދައިން ދޯނީގައި ރޯވުމާއެކު އެ މީހުން މޫދަށް ފުންމާލުމުން އެއްވެސް މީހަކަށް އަނިިޔާއެއް ނުވެ އެވެ.

އެމް.އެން.ޑީ.އެފުން ބުނިގޮތުގައި، ދޯނީގައި ރޯވީ، ކޮކޯ ބޮޑު ހިތި ރިސޯޓާ ހަ ވަރަކަށް މޭލް ދުރުގައި އޮއްވަ އެވެ. ފުރަމަތައިނުން ރޯވީ ދޯނީގެ އިންޖީނު ބައިގައި ކަމަށް ވެސް އެމްއެންޑީއެފުން ބުންޏެވެ.

މި ދޯނީގައި ރޯވަން މެދުވެރިވި ސަބަބެއް އަދި ނޭނގެ އެވެ. އެ ހާދިސާ އަންނަނީ ފުލުހުން ތަޙުޤީޤު ކުރަމުންނެވެ.



.:ނައިފަރު އަޕްޑޭޓް ނިއުސްޓީމް:. ޙއސނ

އިތުރަށް.. »

ލ. މާމެންދޫ އިމާމު ހުކުރު ޚުތުބާ ކިޔަން ދެކޮޅު ހަދައިފި

މިއަދު ހުކުރު ކުރަން ހަމަޖެއްސި ލ. މާމެންދޫ އިމާމު ހުކުރު ޚުތުބާ ކިޔަން ދެކޮޅު ހެދުމުން އެ އަތޮޅު ގަމުން އެހެން އިމާމެއް ގެންގޮސްގެން ހުކުރު ކޮށްފިއެވެ.

އިސްލާމިކް މިނިސްޓްރީން މިސްކިތްތަކުގައި ކިޔުމަށް ފޮނުވާފައިވާ މިއަދުގެ ޚުތުބާގެ މައުޟޫއަކީ "ޙާކިމާ (ވެރިމީހާ) އަކީ ނިއުމަތެއް" މި އެވެ. ހުތުބާ ލިއެފައި ވަނީ ވެރިމީހާއަށް ކިޔަވަންވުމުގެ މައްޗަށެވެ. އެއީ، ވަރަށް ބޮޑަށް ސިޔާސީކޮށްފައިވާ ޚުތުބާއެއް ކަމަށް ބައެއް ދީނީ އިލްމުވެރިން ވެސް ގެންދަވަނީ ވިދާޅުވަމުންނެވެ.

މާމެންދޫ ކައުންސިލްގެ ރައީސް އަބްދުލްމުހުސިން މުހައްމަދު ވިދާޅުވީ އެ ރަށުގައި މިއަދު ހުކުރު ކުރަން ހަމަޖައްސާފައިވާ އިމާމު، ޚުތުބާއާ މެދު ހިތްހަމަ ނުޖެހިގެން ހުކުރު ކުރަން ދެކޮޅު ހަދާފައިވާ ކަމަށެވެ.

"އެ ބޭފުޅާ ވިދާޅުވީ ހުތުބާގައި ދީނާ ޚިލާފް މައުލޫމާތުތައް ހިމެނޭތީ އެ ޚުތުބާ ކިޔަން ބޭނުންނުވާ ކަމަށް. އަޅުގަނޑުމެންނަކަށް ނޭންގެ ހުތުބާގަ އޮތް އެއްޗެއް. އިސްލާމިކް މިނިސްޓްރީން ފޮނުވި ހުތުބާ އެއީ. އަޅުގަނޑުމެންނަކީ ދީނީ ކަންކަން ބަލާ ބައެއް ނޫންތާ ދެއްތޯ،" އެމްޑީޕީ އަށް ނިސްބަތްވާ ކައުންސިލަރުންގެ ތިން ބޭފުޅުން ހިމެނޭ ކައުންސިލްގެ ރައީސް ވިދާޅުވި އެވެ.

ޚުތުބާގައި ހުރީ ހިތްހަމަ ނުޖެހޭ ކޮން ވާހަކަތަކެއްތޯ ބެލުމަށް އޭނާއާ ގުޅުމުން ފޯނަށް ޖަވާބެއް ނުދިނެވެ.


.:ނައިފަރު އަޕްޑޭޓް ނިއުސްޓީމް:. މއޝރ

އިތުރަށް.. »

އައިޑަލްގެ ތިންވަނަ ސީޒަން ރޭ ޕްރިމިއާކޮށްފި

 މޯލްޑިވިއަން އައިޑަލްގެ ތިންވަނަ ސީޒަން ރޭ ޕްރިމިއާކޮށްފިއެވެ.

 ބުރާސްފަތި ދުވަހުގެރޭއައިޑަލްގެ ޝޯތައް ދައްކަން ފަށާފައިވާއިރު އެންމެ ފުރަތަމަ ދައްކާފައި މިވަނީ މާލޭ ސިޓީގެ އޮޑިޝަންގެ ޝޯތަކެވެ.

މާލޭގެ އޮޑިޝަން ހުކުރު ދުވަހުގެރޭވެސް ދައްކަން ހަމަޖެހިފައިވާއިރު ހޮނިހިރު ދުވަހުގެރޭ ދައްކާނީ އައްޑޫ ސިޓީގެ އޮޑިޝަންއެވެ. އަދި އާދީއްތަ ދުވަހުގެރޭ ދައްކާނީ ރ.އުނގޫފާރު އޮޑިޝަންއެވެ.

މިފަހަރުގެ ސީޒަންގައި ޖަޖުންގެ ޕެނަލްގައި ހިމެނެނީ ހަތަރު ފަނޑިޔާރުންނެވެ. ފަނޑިޔާރުންގެ ޕެނަލްގައި ހިމެނެނީ ކުރީން ގެނެސްދިން ދެ ސީޒަންގައި ޕެނަލްގައި ހިމެނުނު މަރިޔަމް އުނޫޝާ އާއި ސީޒަން އެކެއްގެ ފަނޑިޔާރު އަހުމަދު އިބްރާހިމް (އައްމަޑޭ) އާއި ސީޒަން ދޭކުން ބެލުންތެރިންގެ ލޯބި ހޯދި އިސްމާއިލް އައްފާން އަދި މުޅިން އަލަށް މި ޕެނަލްއާ ގުޅުނު ޒާރާ މުޖުތަބާ އެވެ.

އައިޑަލްގެ ޝޯތައް ހުށަހަޅައި ދޭނީ މޫސާ ވަސީމާއި ޝައިނާ ޝަރީފް އެވެ.



.:ނައިފަރު އަޕްޑޭޓް ނިއުސްޓީމް:. މއޝރ

އިތުރަށް.. »

ކިންގް ސަލްމާން މިސްކިތް އިމާރާތް ކުރަން ފަށައިފި

މާލޭގައި ސައޫދީ ސަރުކާރުގެ ހިލޭ އެހީގައި އަޅާ "ކިންގް ސަލްމާން" މިސްކިތް އިމާރާތް ކުރަން ފަށައިފި އެވެ.

 ރޭ ހައުސިން މިނިސްޓަރު މުޙައްމަދު މުޢިއްޒު  ޓުވީޓެއްގައި ވިދާޅުވީ ކިންގް ސަލްމާން މިސްކިތުގެ ފައުންޑޭޝަންގެ މަސައްކަތް ވަރަށް ބާރަށް ކުރިއަށް ދާ ކަމަށެވެ. އެ މިސްކިތަކީ ރައީސް އަބްދުﷲ ޔާމީންގެ ޚާރިޖީ ސިޔާސަތުގެ ސަބަބުން، ސަޢޫދީ ޢަރަބިއްޔާއާ ދިވެހިރާއްޖެއާ ދެމެދުގައި އުފެދިފައިވާ ގާތް ގުޅުމުގެ ރަމްޒެއް ކަމަށް ވެސް ވިދާޅުވި އެވެ.

އާޓިފިޝަލް ބީޗްގެ އުތުރުން ހަދާ އެ މިސްކިތަކީ ޖާގަ ތަނަވަސް މަދުވެގެން އެއްފަހަރާ 6،000 މީހުންނަށް ނަމާދު ކުރެވޭނެ މިސްކިތެއް ކަމަށް ހައުސިން މިނިސްޓްރީން ކުރިން ވަނީ ބުނެފަ އެވެ.

.:ނައިފަރު އަޕްޑޭޓް ނިއުސްޓީމް:. މދޙ

އިތުރަށް.. »

ރޭގެ އެއްވުމުގެ ތެރެއިން ބަޔަކު ހައްޔަރުކޮށްފި

ރޭގެ އެއްވުމުގެ ތެރެއިން ހައްޔަރުކުރީ ތިމަރަފުށީ ދާއިރާގެ އެމްޑީޕީ ރައީސް އަންވަރު އިބްރާހިމާއި މަޑުއްވަރީ ދާއިރާގެ ރައީސް މޫސާ އަލި މަނިކުގެ އިތުރުން އެ ޕާޓީގެ ދެ އެކްޓިވިސްޓުންނެވެ.


 ފުލުހުން،  އެ މީހުން ހައްޔަރުކުރި ސަބަބެއް އަދި ހާމައެއް ނުކުރެ އެވެ.

މިދިޔަ ހޮނިހިރު ދުވަހު އެމްޑީޕީގެ ޒުވާނުންތަކެއް އިސްނަގައިގެން ބޭއްވި އެއްވުމުގެ ތެރެއިން ވަނީ ފަސް މީހަކު ހައްޔަރުކޮށްފައެވެ. ބަންދުގެ މުއްދަތު ކްރިމިނަލް ކޯޓުން އިތުރުކޮށްދީފައި ވާތީވެ، އެ މީހުން އަދިވެސް ތިބީ ފުލުހުންގެ ބެލުމުގެ ދަށުގަ އެވެ.


.:ނައިފަރު އަޕްޑޭޓް ނިއުސްޓީމް:. ފރހދ

އިތުރަށް.. »

މާލޭގައި މީހެއްގެ ގަޔަށް ވަޅިހަރައި ޒަޚަމްކޮށްލައިފި

 ރޭ މެންދަމުގެ ވަގުތެއްގައި،  މާލޭގައި މީހެއްގެ ގަޔަށް ވަޅިހަރައި ޒަޚަމްކޮށްލައިފިއެވެ.

ރޭ މެންދަމު 3:00 އާއި 3:30 އާ ދެމެދުގެ ވަގުތެއްގައި މީހަކަށް ވަޅިން ހަމަލާދިނީ ހެންވޭރު އަޑިޕާކު ގައި ހުންނަ ޗަ ޓައިމް ކައިރީ ހުންނަ ޕީކޭ ދަނޑު ސަރަހައްދުންނެވެ.

މަންޒަރު ފެނުނު ޙަސަން ކިޔާ މީހަކު ބުނީ  ވަޅިހެރުމުން "ޒަޚަމްވި މީހާ އެ ސަރަހައްދުން  ދުވެފައި ގޮސް ސެނެހިޔާ ހޮސްޕިޓަލް ފުރަގަހުގައި ހުންނަ ސްލެންޑާ  ނަމަކަށް ކިޔާ ފިހާރައެއް ކައިރިއަަށް ދިޔަތަނަކާ ބިންމައްޗަށް ވެއްޓުނީ" އެވެ.

"އެ މީހާ އޭޑީކޭ ހޮސްޕިޓަލަށް ގެންދިޔައީ އެ ސަރަހައްދުން އެވަގުތު ސައިކަލެއްގައި ދިޔަ މީހަކު. އެމީހާ އޮތީ އޭރު ބިންމައްޗަށް ވެއްޓިފައި..  ވަޅި ހަރާފައި ވަނީ އެ މީހާގެ ކަނާތު އަރިކައްޓަށްހެން ހީވަނީ،" މަންޒަރު ފެނުނު ޙަސަން ކިޔާ މީހަކު ކިޔައިދިނެވެ.



.:ނައިފަރު އަޕްޑޭޓް ނިއުސްޓީމް:. މދޙ

އިތުރަށް.. »

އުއްތަމަ ފަނޑިޔާރު ބަހައްޓާފައި ހުންނަނީ އިންސާނުން ބަހައްޓަން އެކަށީގެން ނުވާ ފަދަ ތަނެއްގައި:އުއްތަމަ ފަނޑިޔާރު

އުއްތަމަ ފަނޑިޔާރު ހުންނަވަނީ އިންސާނުން ބައިތިއްބަން އެކަށީގެންވާ ފަދަ ތަނެއްގައި ނޫން ކަމަށް، އެމަނިކުފާނާ އިއްޔެ ބައްދަލު ކުރެއްވި ހައުސިން މިނިސްޓަރު ޑރ. މުހައްމަދު މުއިއްޒަށް އުއްތަމަ ފަނޑިޔާރު ދެންނެވި ކަމަށް އެމަނިކުފާނުގެ ވަކީލުން މިއަދު ބުނެފި އެވެ.

ބައްދަލުވުމާ ގުޅިގެން އުއްތަމަ ފަނޑިޔާރުގެ ވަކީލުން މިރޭ ނެރުނު ބަޔާނެއްގައި ބުނީ އުއްތަމަ ފަނޑިޔާރު ބަހައްޓާފައި ހުންނަނީ އިންސާނުން ބަހައްޓަން އެކަށީގެން ނުވާ ފަދަ ތަނެއްގައި ކަމަށް މުއިއްޒަށް ދެންނެވި ކަމަށް އުއްތަމަ ފަނޑިޔާރު ވިދާޅުވާ ކަމަށެވެ. އަދި އެމަނިކުފާނާ މެދު އަމަލުކުރަނީ ގަވާއިދުތަކާ އެއްގޮތަށް، ރަނގަޅަށް ކަމަށް އެއްވެސް ބޭފުޅެއްގެ ގާތު އުއްތަމަ ފަނޑިޔާރު ވިދާޅުވެފައި ނުވާނެ ކަމަށް އެމަނިކުފާނު ވިދާޅުވާ ކަމަށް އެ ބަޔާނުގައިވެ އެވެ. އަދި އެމަނިކުފާނާ މެދު އަމަލުކުރާ ގޮތުގެ ތަފްސީލު ހިއުމަން ރައިޓްސް ކޮމިޝަނާ ވެސް އުއްތަމަ ފަނޑިޔާރު އިއްޔެ ހިއްސާކުރެއްވި ކަމަށް އެ ބަޔާނުގައިވެ އެވެ.

"އުއްތަމަ ފަނޑިޔާރު ދެކެވަޑައިގަންނަވާ ގޮތުގައި ރައީސް ޔާމީންގެ މިނިސްޓަރު އެމަނިކުފާނާ ބައްދަލު ކުރައްވާފައިވަނީ އެއްވެސް އިހްލާސްތެރި މަގްސަދެއް އޮވެގެން ނޫނެވެ." ވަކީލުންގެ ބަޔާނުގައިވެ އެވެ.

ވަކީލުން އެދިފައިވަނީ އުއްތަމަ ފަނޑިޔާރާ އެއްވެސް ފަރާތަކުން ބައްދަލުކުރާ ނަމަ އެކަން ވަކީލުންނަށް އެންގުމަށާއި ވަކީލުންގެ ހާޒިރުގައި ނޫނީ އެފަދަ ބައްދަލުވުމެއް ކުރިއަށް ނުގެންދިއުމަށްވެސް ބަޔާނުގައި ބުނެފައިވެއެވެ.

.:ނައިފަރު އަޕްޑޭޓް ނިއުސްޓީމް:. ޙއސނ

އިތުރަށް.. »

ރައީސް މައުމޫން ޢަބްދުލްޤައްޔޫމް، މާފުށީ ޖަލުން ދޫނިދޫ ޖަލަށް ބަދަލުކޮށްފި

ގާނޫނީ ވެރިކަން ރިޝްވަތު ހުށަހަޅައިގެން ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ ކުރީގެ ރައީސް މައުމޫން ޢަބްދުލްޤައްޔޫމް، މާފުށީ ޖަލުން ދޫނިދޫ ޖަލަށް ބަދަލުކޮށްފިއެވެ.

މައުމޫންގެ ވަކީލު މައުމޫން ޙަމީދު ކުރެއްވި ޓްވީޓެއްގައި ވިދާޅުވީ ރައީސް މައުމޫން ދޫނިދު އަށް ބަދަލުކޮށްފައިވާ ކަން އެމަނިކުފާނުގެ ދަރިކަނބަލުން ޔުމްނާ މައުމޫނަށް ފުލުހުން މިއަދު އަންގާފައިވާ ކަމަށާ، މިއަދު ހަވީރު 4:30 އާ ހަމައަށް ރައީސް މައުމޫން ދޫނިދުއަށް ބަދަލުކުރަން އުޅޭކަން ޢާއިލާއަށް އަންގާފައިނުވާ ކަމަށެވެ.


މާލޭގައި ކުއްލި ނުރައްކަލުގެ ހާލަތު އިއުލާނުކުރުމަށް ފަހު ރައީސް މައުމޫން ހައްޔަރުކޮށްފައިވާ އިރު ފުލުހުން އޭނާގެ މައްޗަށް ކުރާ ތުހުމަތުތަކަކީ ރައްޔިތުންގެ މަޖިލީހުގެ މެމްބަރުންނަށް ރިޝްވަތުދީ، ގާނޫނާ ޚިލާފަށް ވެރިކަން ބަދަލުކުރުމަށް މަސައްކަތް ކުރުމާއި ފަނޑިޔާރުންގެ މަސައްކަތަށް ނުފޫޒު ފޯރުވައި، ވަކި ގޮތަކަށް ހުކުމްތައް ނެރުމަށް ފަނޑިޔާރުންނަށް ރިޝްވަތުގެ ގޮތުގައި ފައިސާ ދިނުމުގެ ތުހުމަތެވެ. ނަމަވެސް ރައީސް މައުމޫން އެކަން ދޮގުކުރެއެވެ.



.:ނައިފަރު އަޕްޑޭޓް ނިއުސްޓީމް:. މއޝރ

އިތުރަށް.. »

އެއްވުން ސުލްހަވެރި ނުވާނެ އެހެންވީމާ ފުރުސަތު ދެވެން ނޯންނާނެ: ފުލުހުން

 އިދިކޮޅު ފަރާތްތަކުން މުޅި ރާއްޖޭގައި މާދަމާ ބޭއްވުމަށް ހަމަޖެހިފައިވާ އެއްވުން ސުލްހަވެރި ނުވާނެ ކަމަށާއި އެ ކަމަށް ފުރުސަތު ދެވެން ނޯންނާނެ ކަމަށް ފުލުހުންގެ އިދާރާ އިން ބުނެފިއެވެ.

ރޭގައިވެސް އިދިކޮޅު ފަރާތްތަކުން ވަނީ ހަމަނުޖެހުން ހިންގައި މަޖީދީމަގު ހެންވޭރު ކޮޅުގައި އަޑުގަދަކޮށްފައެވެ. 



.:ނައިފަރު އަޕްޑޭޓް ނިއުސްޓީމް:. ހޝމ

އިތުރަށް.. »

ރައީސް މައުމޫންގެ މައްޗަށް ކޮށްފައިވަނީ ހެކި ފޮރުވުމުގެ ތުހުމަތެއް: ވަކީލް މައުމޫން ޙަމީދު

ކުރީގެ ރައީސް މައުމޫން އަބްދުލްގައްޔޫމްގެ މައްޗަށް ފުލުހުން ކޮށްފައިވަނީ ހެކި ފޮރުވުމުގެ ތުހުމަތެއް ކަމަށް މައުމޫންގެ ވަކީލް މައުމޫން ޙަމީދު މިއަދު ވިދާޅުވެއްޖެ އެވެ.

މިދިޔަ ހަފުތާގައި މައުމޫން ހައްޔަރުކުރީ ކުއްލި ނުރައްކަލުގެ ހާލަތު އިއުލާން ކުރުމަށް ފަހު، ފަނޑިޔާރުންނަށް ރިޝްވަތު ދިނުމާއި މަޖިލީހުގެ މެމްބަރުންނަށް ރިޝްވަތުގެ ފައިސާ ދީގެން ގާނޫނާ ޚިލާފަށް ސަރުކާރު ބަދަލު ކުރަން އުޅުމާއި ސަލާމަތީ ބާރުތަކުގެ މެދުގައި ބައިބައިވުން އުފައްދައި، ސަރުކާރާ ދެކޮޅަށް ނިކުތުމަށް ސަލާމަތީ ބާރުތަކަށް ހިތްވަރު ދިންކަމުގެ ތުހުމަތުގަ އެވެ. އެކަމަކު އެ ތުހުމަތުތަކަށް މައުމޫން އިންކާރު ކުރައްވާ ކަމަށް އެމަނިކުފާނުގެ ވަކީލުން ވަނީ ބުނެފަ އެވެ.

ވަކީލް މައުމޫން ޙަމީދު މިއަދު ކުރެއްވި ޓްވީޓެއްގައި ލިޔެފައި ވަނީ ހެކި ފޮރުވުމުގެ ތުހުމަތުގައި މައުމޫންގެ މައްޗަށް ތަހުގީގު ހިންގާނެކަން ފުލުހުން އަންގާފައިވާ ކަމަށެވެ. އެކަމަކު އެއީ ކޮން މައްސަލައެއްގެ ހެކި ފޮރުވުމުގެ ތުހުމަތެއް ކަމެއް އެއްގޮތަކަށްވެސް ސާފު ނުވާކަމަށެވެ.


.:ނައިފަރު އަޕްޑޭޓް ނިއުސްޓީމް:. ޝފއ

އިތުރަށް.. »

ދެ މެމްބަރަކަށް އަނިޔާވެގެން ފަރުވާއަށް އޭޑީކޭއަށް ގެންގޮސްފި

މަޖިލީހަށް ވަންނަން އުޅުމުގެ ތެރޭގައި ފުލުހުން ހުރަސް އެޅުމުން އިދިކޮޅު ފަރާތްތަކަށް ނިސްބަތްވާ ރައްޔިތުންގެ މަޖިލީހުގެ މެމްބަރުންތަކަކަށް އަނިޔާވެ ފަރުވާއަށް އޭޑީކޭއަށް ގެންގޮސްފި އެވެ.
 ސިފައިން ވަނީ މަޖިލީހަށް މެމްބަރުންނަށް ނުވަދެވޭ ގޮތަށް ގޭޓްގައި ތަޅު އަޅުވާފައެވެ. އަދި ބޭރުން މަޖިލީހުގެ ބޭރުފާރު އަދި ޢިމާރާތާ ކައިރި ނުވެވޭ ގޮތަށް އެސް.އޯ ފުލުހުން ވަނީ ހުރަސް އަޅާފައެވެ.

މަންޒަރު ދުށް އެ ސަރަހައްދުގައި ހުރި 'އެން.ޔޫ.އެން" ގެ ނޫސްވެރިއަކު ބުނީ އަނިޔާވެގެން އޭޑީކޭ ހޮސްޕިޓަލަށް ގެންދިޔައީ  ތޮއްޑޫ ދާއިރާގެ މެމްބަރު އިބްރާހިމް ހަސަން އާއި މަޖިލީހުގެ ތިނަދޫ ދެނުކު ދާއިރާގެ މެމްބަރު އަބްދުﷲ އަހުމަދު ކަމަށެވެ.

ތޮއްޑޫ ދާއިރާގެ މެމްބަރު އިބްރާހިމް ހަސަން އާއި މަޖިލީހުގެ ތިނަދޫ ދެނުކު ދާއިރާގެ މެމްބަރު އަބްދުﷲ އަހުމަދަށް އަނިޔާވީ މަޖިލީހަށް ވަންނަން ދިޔަވަގުތު އެސް.އޯ ފުލުހުން ހުރަސް އެޅުމުން ބިންމައްޗަށް ވެއްޓުނު މެމްބަރުންގެ ގައި މައްޗަށް ފުލުހުން އެރުމުން ކަމަށް އެތަނުގައި ތިބި ބައެއް މަޖްލިސް މެމްބަރުންނާ ޙަވާލާދީ  ނޫސްވެރިޔާ ބުންޏެވެ.

އެ ދެ މެމްބަރުންނަށް ލިބުނީ ކިހާވަރެއްގެ އަނިޔާއެއް ކަމެއް އަދިވެސް ސާފެއްނުވެ އެވެ.



.:ނައިފަރު އަޕްޑޭޓް ނިއުސްޓީމް:. ފރހދ

އިތުރަށް.. »

މަރިޔަމް ވަހީދު ދެވަނަ ފަހަރަށް ވަޒީފާއަށް ނިކުމެވަޑައިގަތުމަށް އަންގައިފި

 ފަނޑިޔާރު ކަމުގެ ހުރިހާ ޒިންމާތަކުން ސުޕްރީމް ކޯޓުން މިދިޔަ އަހަރު ނެރުނު އަމުރަކުން ދުރުކުރި ސިވިލް ކޯޓުގެ ގާޒީ މަރިޔަމް ވަހީދު ދެވަނަ ފަހަރަށް ވަޒީފާއަށް ނިކުމެވަޑައިގަތުމަށް އަންގައިފި އެވެ.

 ގާޒީ މަރިޔަމް މަގާމުގެ ޒިންމާތަކުން ދުރުކުރީ ކޯޓުތަކުގައި ޝަރީއަތް ކުރުމުގެ ވިލާޔަތާއި އަހުލިއްޔަތާއި ޝަރުއިއްޔަތު ގެއްލިފައިވާ ކަމަށް ސުޕްރީމް ކޯޓުން ކަނޑައަޅައި، މިދިޔަ އަހަރުގެ ފެބްރުއަރީ މަހުގެ ތެރޭގަ އެވެ. ފަނޑިޔާރުކަމުގެ ޒިންމާތަކުން މަރިޔަމް ދުރުކުރީ ވ. ބޮޑުމޮހޮރާ ކިޔާ ރަށެއް މެރިން ޓެކްނޮލޮޖީ ކިޔާ ކުންފުންޏަކާ ހަވާލުކުރަން ދައުލަތުގެ މައްޗަށް އަމުރުކޮށް، އޭނާ ކުރެއްވި ހުކުމަކާ ގުޅިގެންނެވެ.

ގާޒީ މަރިޔަމް އަލުން ވަޒީފާ އަށް ނުކުމެވަޑައިގަތުމަށް އަންގާފައިވަނީ މި ހަފުތާގެ ތެރޭގަ އެވެ.  އެހެން ނަމަވެސް އޭނާ ވަޒީފާއަށް އަލުން ނުކުންނަވަން ފައްޓަވާނީ އަންނަ މަހުގެ ފުރަތަމަ ހަފުތާ އިން ފެށިގެންނެވެ. އެކަމާ ބެހޭ ގޮތުން އެއްވެސް ފަރާތެއްގެ ބަހެއް އަދި މިހާތަނަކަށް ނުލިބެއެވެ.



.:ނައިފަރު އަޕްޑޭޓް ނިއުސްޓީމް:. މދޙ

އިތުރަށް.. »

ބުދު"ތަކެއް ބަހައްޓަން އުޅޭތީވެ އެކަމާ ބަޔަކު ކަންބޮޑުވުން ފާޅުކޮށްފި

"

އަލަށް ހަދަމުން އަންނަ ށ. ބިލެތްފަހި ކައިރީގައި އޮންނަ ގާކޮށިބީގައި ތަރައްގީ ކުރަމުން އަންނަ ރިސޯޓެއްގައި "ބުދު"ތަކެއް ބަހައްޓަން އުޅޭ ކަމަށް ބުނެ، ބަޔަކު ކަންބޮޑުވުން ފާޅުކޮށްފި އެވެ.
އެ ރިސޯޓްގައި އުޅޭ މީހަކު ބުނި ގޮތުގައި އެ "ބުދު"ތަކަކީ އެ ރިސޯޓުގައި ހަދާފައިވާ "ބުދު"ތަކެކެވެ. އަދި އެ "ބުދު"ތައް ބެހެއްޓުމަށް ހަމަޖެހިފައި ވަނީ އެ ރަށުގައި ތަރައްގީކުރާ ކަނޑު އަޑީގެ ދާރުލް އާސާރެއްގަ އެވެ.
"ސިއްރު ފެންފުށި ރިސޯޓުގެ" ނަމުގައި ތަރައްގީކުރާ އެ ރިސޯޓުގެ މަސައްކަތް މުޅިންހެން ނިމިފައިވާ އިރު އެ ރިސޯޓް އަންނަ އޭޕްރީލް މަހު ހުޅުވުމަށް ވަނީ ނިންމާފައެވެ. ލަގްޒަރީ ފެންވަރުގެ 120 ވިލާއާ އެކު ހަދާފައިވާ މި ރިސޯޓަކީ 5 ސްޓަރ ފެންވަރުގެ ރެސޯޓެކެވެ.

މިކަމާ ގުޅޭ ގޮތުން ފުލުހުންގެ ބަހެއް ލިބޭ ގޮތެއް ނުވި އެވެ.



.:ނައިފަރު އަޕްޑޭޓް ނިއުސްޓީމް:. މދޙ

އިތުރަށް.. »

ޝަމީމު ފުލުސް އޮފީހަށް ހާޒިރުވާން ޗިޓް ފޮނުވައިފި

ސިޔާސީ ބައެއް ފަރާތްތަކާއި ކުރީގެ ރައީސް މައުމޫން ޢަބްދުލްޤައްޔޫމްގެ ގާނޫނީ ވަކީލެއްގެ ގޮތުގައި މަސައްކަތްކުރައްވަމުން ގެންދަވާ ހުސެއިން ޝަމީމު ފުލުސް އޮފީހަށް ހާޒިރުވާން އަންގައި ޗިޓް ފޮނުވަފިއެވެ.
ޝަމީމު ފުލުސް އޮފީހަށް ހާޒިރުވާން އަންގާފައި ވަނީ މިދިޔަ ހޯމަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމެއްގައި، ފުލުހުން ހޯދާފައިވާ ހެއްކަކާ ބެހޭ ގޮތުން ދޮގުމައުލޫމާތު ދީފައިވާ ކަމަށް ތުހުމަތުކުރެވޭ މައްސަލައަކާ ގުޅިގެން ކަމަށެވެ.

އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގައި ޝަމީމު ވަނީ، ދާދި ފަހުން ފުލުހުން ހިންގި އޮޕަރޭޝަނެއްގައި ރައީސް މައުމޫނުގެ އޮފީހުގައި މަސައްކަތްކުރާ ކަނބަލެެއްގެ ގެއިން ހޯދި ކަޅު ފޮށްޓަށާއި ފުލުހުން މި ފަހުން ހިންގަމުންދާ ތަހުގީގުތަކަށް ފާޑު ވިދާޅުވެ ވާހަކަފުޅު ދައްކަވާފައެވެ.

ކުރީގެ ޑެޕިއުޓީ ޕްރޮސެކިއުޓާ ޖެނަރަލްކަން ވެސް ކުރެއްވި ޝަމީމް ފުލުސް އޮފީހަށް ހާޒިރުވާން އަންގާފައި ވަނީ މިރޭ 8  ޖަހާ އިރަށެވެ. ޝަމީމް އަންނަނީ ކުރީގެ ރައީސް މައުމޫނުގެ އިތުރުން އެމަނިކުފާނުގެ ދަރިކަނލުން އަދި ދިއްގަރު ދާއިރާގެ މެމްބަރު އަހްމަދު ފާރިސް މައުމޫނާއި ޔުމްނާ މައުމޫންގެ ފިރިކަލުން މުހައްމަދު ނަދީމްގެ ޤާނޫނީ ވަކީލުންގެ ޓީމުގައި ވެސް ހަރަކާތްތެރި ވަމުންނެވެ.



.:ނައިފަރު އަޕްޑޭޓް ނިއުސްޓީމް:. މއޝރ

އިތުރަށް.. »

ޑިސްޓްރިބިއުޝަން ފޮއްޓެއްގައި ފަތިހު ރޯކޮށްލައިފި: ސްޓެލްކޯ

ސްޓެލްކޯ އިން މާލެއަށް ކަރަންޓްގެ ހިދުމަތް ފޯރުކޮށްދިނުމަށް ބޭނުންކުރާ ސަބްސްޓޭޝަނެއްގެ ޑިސްޓްރިބިއުޝަން ފޮއްޓެއްގައި  ފަތިހު ރޯކޮށްލައިފި އެވެ.


ސްޓެލްކޯ އިން މިއަދު ބުނީ ރޯކޮށްލާފައި ވަނީ ފާށަނާކިލެގެ މަގުގައި (ބާ އިންޖީނުގެ ހުރި މަގުގައި) ހުރި ސަންސްޓޭޝަން 50ގައި ކަމަށެވެ. އަލިފާން ރޯކޮށްލާފައި ވަނީ ރޭ ފަތިހު 4:30 އެހާކަންހާއިރު ކަމަށާއި އަލިފާން ރޯވުމުގެ ސަބަބުން ކަރަންޓު ކެނޑުނު ސަރަހައްދުތަކަށް ކަރަންޓު ދިނުމުގެ މަސައްކަތް ކުރަމުން އަންނަ ކަމަށް ސްޓެލްކޯ އިން ބުނެ އެވެ.

ސްޓެލްކޯގެ ޑިސްޓްރިބިއުޝަން ފޮއްޓެއްގައި ރޯކޮށްލި މައްސަލައާ ގުޅިގެން ދެ މީހަކު ހައްޔަރުކޮށްފައިވާ ކަމަށާއި މައްސަލަ އިތުރަށް ތަހުގީގުކުރަމުންދާ ކަމަށް ފުލުހުން ބުނެއެވެ.


ސްޓެކްލޯގެ މީޑިއާ އޮފިޝަލު ވިދާޅުވީ ރޯކޮށްލި ޑިސްޓްރިބިއުޝަން ފޮއްޓަކީ ހަތް ގެއަކަށް ކަރަންޓު ދިނުމަށް ބޭނުންކުރި ފޮއްޓެއް ކަމަށާ، ފޮށީގައި ބަޔަކު ރޯކޮށްލީ ގަސްދުގައި ކަމަށް ބެލެވޭ ކަމަށެވެ. އެ ފޮށިން ގާތްގަނޑަކަށް 60 މީޓަރަށް ކަރަންޓު ފޯރުކޮށްދޭ ކަމަށް ވެސް އޮފިޝަލު ވިދާޅުވި އެވެ.

ސަބްޓޭޝަން ފޮއްޓަށް ލިބިފައިވާ ގެއްލުން ބަލަމުންދާ ކަމަށާއި ކަރަންޓް ކެނޑިފައިވާ ގެތަކަށް ކުރިއަށް އޮތް ހަތަރު ވަރަކަށް ގަޑި އިރުގެ ތެރޭގައި ކަރަންޓް ދިނުމަށް މަސައްކަތްކުރަމުންދާ ކަމަށްވެސް ސްޓެލްކޯ އިން ބުންޏެވެ.

.:ނައިފަރު އަޕްޑޭޓް ނިއުސްޓީމް:. ޙއސނ

އިތުރަށް.. »

އިމްރާން ދޫކޮށްލަން އދ.ގެ ވޯކިން ގުރޫޕް އޮން އާބިޓްރަރީ ޑިޓެންޝަން އިން ސަރުކާރަށް ގޮވައިލައިފި

މޭޑޭގައި (ދެހާސް ފަނަރަ ވަނަ އަހަރުގެ މެއި މަހުގެ އެއް ވަނަ ދުވަހު މާލޭގައި) ބޭއްވި މުޒާހަރާއާ ގުޅިގެން ދައުލަތުން އުފުލި ޓެރެރިޒަމްގެ ޢަމަލެއް ހިންގި ކަމުގެ ކުށުގެ ދައުވާ ސާބިތުވެ 12 އަހަރަށް ޖަލަށްލާފައިވާ އަދާލަތު ޕާޓީގެ ރައީސް އައްޝައިޚް އިމްރާން އަބްދުﷲ މިނިވަންކޮށް ބަދަލުދިނުމަށް އދ.ގެ ވޯކިން ގުރޫޕް އޮން އާބިޓްރަރީ ޑިޓެންޝަން (ޔޫއެންޑަބްލިއުޖީއޭޑީ) އިން ގޮވައިލައިފިއެވެ.


އދ. ގެ ހިއުމަން ރައިޓްސް އޮފީސް އޮފް ދަ ކޮމިޝަނާ އިން މިދިޔަ ޖެނުއަރީ މަހުގެ 21 ވަނަ ދުވަހު ނިންމި ނިންމުމުގައި ބުނެފައި ވަނީ ބައިނަލްވާމީ ގާނޫނުތަކަށާއި އަދި އިންސާނީ ހައްގުތަކަށް ރިއާޔަތްކުރާއިރު އިމްރާންގެ ޝަރީއަތް އިންސާފުވެރިނޫން ކަމަށެވެ.

"ވާކިން ގްރޫޕުން ދެކޭގޮތުގައި މިހާލަތުގައި އެންމެ ރަނގަޅު ގޮތަކީ ޝައިޚް އިމްރާން ދޫކޮށްލައި، ބައިނަލްގާވީ ގާނޫނުތަކާއި އެއްގޮތަށް އޭނާއަށް ލިބުނު ގެއްލުމަށް ބަދަލު ދިނުން،" ވޯކިން ގްރޫޕުން ނިންމި ނިންމުމުގައިވެއެވެ.

ވޯކިން ގްރޫޕުގެ ނިންމުމުގައި ބުނެފައި ވަނީ ޝައިޚް އިމްރާންގެ ޝަރީއަތް އިންސާފުވެރި ނޫން ކަމަށާއި އަދި ޝަރީއަތުގައި ވަކީލެއް އައްޔަންކުރުމަށް އެކަށީގެންވާ ވަގުތު ވެސް ދީފައިނުވާ ކަމަށެވެ.

ޝަރީއަތުގައި އިމްރާންގެ ފަރާތުން ދިފާއުގައި ހެއްކަކު ހުށަހެޅުމުގެ ފުރުސަތު ދީފައި ނުވާ ކަމަށް ވެސް އެ ނިންމުމުގައިވެއެވެ.

އިމްރާންގެ މައްސަލަ ބެލުމަށް ފުރަަތަމަ ތިން ފަނޑިޔާރުންގެ ބެންޗެއް އެކުލަވާލިނަމަވެސް ފަހުން އެ މައްސަލަ ބަލާފައިވަނީ އެންމެ ފަނޑިޔާރެއްކަމަށް ވޯކިން ގްރޫޕްގެ ނިންމުމުގައި ވަނީ ފާހަގަކޮށްފައެވެ.

އިމްރާން ހައްޔަރުކުރީ ސަރުކާރުގެ ކޯލިޝަނުން ވަކިވެ ސަރުކާރުގެ ނިންމުންތަކާ މެދު ފާޑުކިޔަން ފެށުމުން ކަމަށާއި އަދި ޖަަލަށް ލުމުން އިމްރާންގެ ސިއްހީ ހާލަތުވެސް ގޯސް ވެފައިވާ ކަމަށްވެސް ވޯކިން ގްރޫޕުގެ ނިންމުމުގައިވެއެވެ.

އެގޮތުން ޝައިޚް އިމްރާން ދޫކޮށްލައިފިނަަމަ ދޫކޮށްލި ތާރީޚާއި ލިބުނު ގެއްލުމަށް ދޭ ބަދަލުގެ ތަފްސީލު ހިއްސާކުރުމަށް ވެސް ވޯކިން ގްރޫޕުން ވަނީ ސަރުކާރަށް ގޮވާލައިފައެވެ.

ޝައިހް އިމްރާންގެ ހައްގުތަކަށް އަރައިގެންފައިވާތީވެ، އެކަން ތަހުގީގުކޮށް އަދި ބައިނަލަގްވާމީ ގާނޫނުތަކާ އެއްގޮތަށް ރާއްޖޭގެ ގާނޫނުތަކަށް ބަދަލުގެނެސްފައިވާނަމަ އެކަން އެންގުމަށް ވެސް ގޮވާލާފައިވެއެވެ.

ޝެއިޚް އިމްރާން ޢަބްދު ﷲ ގެ މައްޗަށް 12 އަހަރުގެ ޖަލު ހުކުމެއް ކޮށްފައި ވަނީ 2015 ވަނަ އަހަރުގެ މެއި މަހުގެ އެއް ވަނަ ދުވަހު އިދިކޮޅު ފަރާތްތަކުން މާލޭގައި ބޭއްވި މުޒާހަރާގައި އަނިޔާވެރި ކަމަށް ހިތްވަރު ލިބޭ ގޮތަށް ވާހަކަތެއް ދެއްކި ކަމަށް ބުނެ ދައުލަތުން އުފުލި ޓެރަރިޒަމްގެ ދައުވާ ސާބިތު ވުމުންނެވެ.



.:ނައިފަރު އަޕްޑޭޓް ނިއުސްޓީމް:. މއޝރ

އިތުރަށް.. »

އަމުރު ތަންފީޒު ކުރެވުނުނަމަ ޖިނާއީ ބޮޑެތި ކަންތައްތަކެއް ހިނގާނެ: ރައީސް ޔާމީން

ރައީސް ޔާމީން ޕީޕީއެމްގެ 'ރުމާލު 2' ޖަގަހާގައި މިރޭ ވާހަކަފުޅު ދައްކަވަމުން ވިދާޅުވީ އެ އަމުރު ތަންފީޒު ކުރިނަމަ ނުވަތަ މުޖުރިމުން ދޫކޮށްލި ނަމަ އެމަނިކުފާނަށް ތާއީދު ކުރައްވާ ފަރާތްތަކުން މަޑުން ނުތިބޭނެ ކަން ޔަގީންވާ ކަމަށެވެ. އަދި އަމުރު ތަންފީޒު ކުރާ ހިސާބުން ދެ ފަރާތުން މަގުމައްޗަށް ނުކުންނާނެ ކަމަށް ރައީސް ޔާމީން ވިދާޅުވި އެވެ.

"ހަމަ ގައިމުވެސް އަޅުގަނޑަށް ތާއީދުކުރާ މީހުންނަކަށް މަޑަކުން ނުތިބެވޭނެ މި ހުރިހާ މުޖުރިމުން ދޫކޮށްލާ އިރަކު. އެމީހުންގެ ފަރާތުންވެސް ބަޔަކު ނުކުންނާނެ. އެދިޔައީ ކޮން ކަމެއްތޯ؟ އެދިޔައީ އަޅުގަނޑުމެންގެ ތެރޭގައި ލާއިންސާނީ ތަޅާފޮޅުމަކަށް. އޭގެ ނަތީޖާ ފަހަރުގައި ހަމަ ގަތުލު ކުރުމާ ހަމައަށްވެސް ހިނގައްޖައިސް ކަންނޭންގެ. ހަމަ ގައިމުވެސް ޖިނާއީ ބޮޑެތި ކަންތައްތަކެއް ހިނގާނެ،" ރައީސް ޔާމީން ވިދާޅުވި އެވެ.

ރައީސުލްޖުމްހޫރިއްޔާ އަޒުލުކުރަން އަމުރު ނެރުނުނަމަ ރައްޔިތުން އެކަން ގަބޫލު ނުކުރާނެ ކަމަށް ރައީސް ޔާމީން ވިދާޅުވި އެވެ. އަދި ބަންޑާރަ ނައިބު ވަކި ކުރަން އަމުރު ނެރުނު ނަމަވެސް، މަގާމުން ވަކިކުރި ޕޮލިސް ކޮމިޝަނަރު އަހުމަދު އަރީފު އެމަގާމަށް ގެންނަން އަމުރު ކުރި ނަމަވެސް މަގުމަތީގައި ހަމަނުޖެހުން ހިންގައި ލޭ އޮހޮރުވުމަކަށް ދިޔައީސް ކަމަށް ރައީސް ޔާމީން ވިދާޅުވި އެވެ.


"އެދުވަހު ސިފައިންނާއި ފުލުހުން ރައީސުލްޖުމްހޫރިއްޔާގެ އަމުރަށް ތަބާވީމަ މިދެންނެވި ހަމަނުޖެހުން ނުހިނގާ ސަލާމަތްވެގެން މިދިޔައީ. އޭގައި ހަމަ ﷲގެ ނިއުމަތް ﷲގެ މިންވަރުފުޅު އަޅުގަނޑުމެންނާ އެކު ވަނީ. ހައްގުގައި ތިބީ އަޅުގަނޑުމެން ކަމަށް ވާތީ،" ރައީސް ޔާމީން ވިދާޅުވި އެވެ.
އުއްތަމަ ފަނޑިޔާރު އަބްދުﷲ ސައީދު އަދި ފަނޑިޔާރު އަލީ ހަމީދު މުހައްމަދު މަސައްކަތް ކުރެއްވީ މަގުމައްޗަށް މީހުން ނެރެ ހަމަނުޖެހުން ހިންގުމަށް ކަމަށް ރައީސް ޔާމީން ތުހުމަތު ކުރެއްވި އެވެ.

ރައީސް ޔާމީން ވިދާޅުވީ ތަބާވާނީ ސުޕްރީމް ކޯޓުގެ ކޮން އަމުރަކަށްތޯ ދިވެހި ރައްޔިތުންގެ ހިތުގައި ސުވާލު އުފެދޭނެ ކަމަށެވެ. އަދި ސުޕްރީމް ކޯޓުން ކުރާ އަމުރަކީ އެ ކޯޓުގެ އިހުތިސާސްގެ ތެރެއިން ކުރެވޭ އަމުރެއްތޯ ވެސް ބަލަން ޖެހޭ ކަމަށްވެސް ރައީސް ޔާމީން ވިދާޅުވި އެވެ.

"މައްސަލައެއް ކޯޓަށް ބަލައިގަންނަން ވާހަކަދެކެވޭ ހިސާބުން ކުރިއަށް ދާންވާނީ އެއްވެސް ކަހަލަ ނުބައި ޑެލިބަރޭޝަނެއް ނެތި. ނުބައި ނިޔަތެއް ނެތި ހެޔޮ ނިޔަތުގައި،" ރައީސް ޔާމީން ވިދާޅުވި އެވެ.

އެއީ ގާނޫނުއަސާސީ އާއި ގާނޫނު ތަކާ މެދު ވިސްނަން ހުރި ކަންކަން ކަމަށް ރައީސް ޔާމީން ވިދާޅުވި އެވެ.

ކުރީގެ ރައީސް މުހައްމަދު ނަޝީދަށް ރައީސް ޔާމީން ވަނީ ފާޑު ވިދާޅުވެފަ އެވެ. ރާއްޖެއަށް ފިލައިގެން ބޭރު ގައުމަކަށް ގޮސް ކުށްވެރިއެއްގޮތަށް އުޅޭ މީހަކަށް ރާއްޖޭގެ ކަންކަމަށް ބަސް ކިޔޭ ކޯޓު ތަކަށް މައްސަލަ ވެއްދޭ ގޮތަށް އޮތުމަކީ ނިޒާމުގައި އޮތް މައްސަލައެއް ކަމަށްވެސް ރައީސް ޔާމީން ވިދާޅުވި އެވެ.


.:ނައިފަރު އަޕްޑޭޓް ނިއުސްޓީމް:. ފރހދ

އިތުރަށް.. »

މަހުލޫފާއި މުޙައްމާ ހައްޔަރުކޮށްފި

ރައްޔިތުންގެ މަޖިލީހުގެ އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހައްމާ) އާއި ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފު ފުލުހުން މިރޭ ހައްޔަރުކޮށްފިއެވެ.

މަޙުލޫފާއި މުޙައްމާ ހައްޔަރުކޮށްފައި ވަނީ މިރޭ މާލޭގައި އިދިކޮޅު ފަރާތްތަކުން ބާއްވަމުންގެންދާ ސިލްސިލާ މުޒާހަރާގެ ތެރެއިންނެވެ.

ފުލުހުން މިރޭގެ މުޒާހަރާ  ރޫޅާލާން ފަށާފައިވަނީ 23:05 ހާއިރު އެވެ. ފުލުހުން މުޒާހަރާގެ ބައިވެރިން ފަހަތައް ޖައްސަން ފެށުމުން ބައިވެރިންވަނީ ސޯސަންމަގުން އޭޑީކޭ ހޮސްޕިޓަލާ ހިސާބަށް ފަހަތައް ޖެހިފައެވެ.

އާންމުންނާއި ފުލުހުންނާ ދެމެދު އެ ސަރަހައްދުގައި   ކޮންމެވެސް ވަރަށް ހަމަނުޖެހުން ހިނގިތަނާ،އަދި އެ ސަރަހައްދުން  ވީ މީޑީއާގެ ޓެކްނީޝަނަކު ހައްޔަރުކޮށްގެން ގެންދާ މަންޒަރު "އެން.ޔޫ.އެންގެ"ގެ ނޫސްވެރިއަކަށް ވަނީ ފެނިފައެވެ.ނަމަވެސް ގިނައިރުތަކެއް ފަހުން އޭނާ ވަނީ ދޫކޮށްލާފައެވެ.

މިރޭގެ މުޒާހަރާގައި ގިނަ އަދަދެއްގެ ބަޔަކަށް ވަނީ ޕެޕާ ސްޕޭރޭގެ އަސަރުކޮށްފައެވެ. އޭގެ ތެރޭގައި މަޖިލީހުގެ ބައެއް މެމްބަރުންނާއި ސަންގު ޓީވީގެ ނޫސްވެރިއަކަށް ވަނީ ޕެޕަ ސްޕްރޭގެ އަސަރުކޮށްފައެވެ.



.:ނައިފަރު އަޕްޑޭޓް ނިއުސްޓީމް:. ވސމ

އިތުރަށް.. »

އިދިކޮޅު މެމްބަރުން އުފުލާލައިގެން އެތަނުން ނެރެފި

މި އަހަރުގެ ރައްޔިތުންގެ މަޖިލީހުގެ ޖަލްސާތައް ނުފަށައި ލަސްވާ މައްސަލަ ހުށަހަޅުއްވަން މަޖިލީހުގެ އިދާރާ އަށް މިއަދު ވަޑައިގެންނެވި އިދިކޮޅު މެމްބަރުން އުފުލާލައިގެން ސިފައިން އެތަނުން ނެރެފި އެވެ.

ސިފައިންގެ ފަސް މީހަކު އެތުރިގެން  މަޖިލީހުގެ ބޭރު ގޭޓު ތަޅުލައިގެން އެތެރޭގައި ތިއްބައި، މަޖިލީހުގެ އިދާރާގެ ފާރުމަތިން އެތެރެއަށް ފުރަތަމަ ފުންމާލީ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފެވެ. ސުލްހަވެރިކަމާއެކު، މަޖިލީހުގެ އިދާރާ އިން ނުކުމެވަޑައިގަތުމަށް ސިފައިން އެންގި އެންގުމަށް މަހްލޫފް ތަބާނުވުމުން ދެން ފެނުނީ ސިފައިން އޭނާ އުފުލާލައިގެން އެތަނުން ނެރުނު ތަނެވެ.

އޭގެ ފަހުން ދެން ފެނުނީ ހިތަދޫ ދެކުނު ދާއިރާ އެމްޑީޕީގެ މެމްބަރު އަލީ ނިޒާރާއި ތިމަރަފުށީ ދާއިރާގެ މެމްބަރު މުހައްމަދު މުސްތަފާ އާއި ތިނަދޫ އުތުރު ދާއިރާގެ މެމްބަރު އަބްދުﷲ އަހުމަދާއި މަޑުއްވަރީ ދާއިރާގެ މެމްބަރު މުހައްމަދު އަމީތު ވެސް މަޖިލީހުގެ އިދާރާގެ ފާރުމަތިން ފުންމާލައިގެން އެތެރެއަށް ވަދެވަޑައިގެންނެވި ތަނެވެ. އެކަމަކު މާ ގިނައިރުތަކެއް ނުވަނީސް އެ ބޭފުޅުން ވެސް ސިފައިން ވަނީ އުފުލާލައިގެން އެތަނުން ނެރެފަ އެވެ.

މިކަމާ ގުޅިގެން އަމީތު ވިދާޅުވީ އިދިކޮޅު ހަރަކާތުގެ ބައެއް މެމްބަރުން މަޖިލީހުގެ އިދާރާ އަށް ވަދެވަޑައިގަންނަވަން އުޅުއްވީ މަޖިލީހުގެ ޖަލްސާތައް ނުފަށާތީ، އެ މައްސަލަ މަޖިލީހަށް ހުށަހެޅުމަށްޓަކައި ކަމަށެވެ. ނަމަވެސް، އެކަމަށް ސިފައިން ހުރަސް އެޅުމަކީ ގަބޫލު ކުރެއްވޭނެ ކަމެއް ނޫން ކަމަށް އޭނާ ވިދާޅުވި އެވެ.

"ސިފައިން އަޅުގަނޑުމެންނަށް ހުރަސް އެޅުމަކީ އަޅުގަނޑުމެންގެ ގާނޫނީ ވާޖިބު އަދާކުރަން ހުރަސް އެޅުން. މިއީ އެންމެ މަތިން އޯޑަރު އައިސްގެން ކުރާ ކަންކަން،" އަމީތު ވިދާޅުވި އެވެ.

.:ނައިފަރު އަޕްޑޭޓް ނިއުސްޓީމް:. މދޙ

އިތުރަށް.. »

ދިވެހިރާއްޖޭގެ މިނިވަންކަމާއި އިސްތިގުލާލާށް ބުރޫ އަރާ ވަރުގެ ކަމެއް އެއްވެސް ގައުމަކުން ކުރުމުގެ ފުރުސަތު އެކުވެރި ގައުމުތަކަށް ނުދޭނަން: ފިޝަރީސް މިނިސްޓަރު ޑރ. މުހައްމަދު ޝައިނީ

ޕީޕީއެމްގެ "ރުމާލު 2" ޖަގަހައިގައި ރޭ ބޭއްވި ޖަލްސާގައި ވާހަކަފުޅު ދައްކަވަމުން ޑރ. ޝައިނީ ވިދާޅުވީ އެކުވެރި ގައުމުތަކުން އަބަދުވެސް ރާއްޖޭގެ ހިމާޔަތުގައި ނުކުންނާނެ ކަމަށާއި ރާއްޖޭގެ މިނިވަންކަމަށް ބުރު އަރުވާލުމުގެ ފުރުސަތު އެގައުމު ތަކުން ނުދޭނެ ކަމަށެވެ.

"ރާއްޖޭގެ މިނިވަންކަމާއި އިސްތިގުލާލަށް ބުރު އެރުމުގެ ފުރުސަތު ރާއްޖޭގެ ރައްޓެހި ގައުމުތަކުން ނުދޭނެ. އެކަން ތިބޭފުޅުން ޔަގީން ކުރައްވާ،" ޑރ. ޝައިނީ ވިދާޅުވިއެވެ.

ޑރ. ޝައިނީ ވިދާޅުވީ ރާއްޖެ މިއޮތީ މުހިންމު ސަރަހައްދެއްގައި ކަމަށާއި އިންޑިއާ ކަނޑުގައި ރާއްޖެ އޮތް ހިސާބަކީ މުހިންމު ހިސާބެއް ކަމަށެވެ. އަދި އެކަމުގެ ސަބަބުން ރާއްޖެ ވެގެން ގޮސްފައިވަނީ ހުރިހާ ގައުމަކުންވެސް ލޯއަޅާ މުހިންމު ގައުމަކަށް ކަމަށްވެސް ވިދާޅުވިއެވެ.

"ރާއްޖެ މި ކުޑަކުޑަ ގައުމަށް ވުރެ ވެސް މުހިންމު އެއްވެސް ގައުމެއް ނޯންނާނެ. ދުނިޔޭގެ މުސްތަގުބަލު އޮތީ އޭޝިޔާގައި،" ޑރ. ޝައިނީ ވިދާޅުވިއެވެ.

ސަރުކާރުން ކުރިއަށްގެންދާ ޕާޓީ ޓޯކްސްގެ ޗެއާ ކަންވެސް ކުރައްވަމުން ގެންދަވާ ޝައިނީ ވިދާޅުވީ ގައުމަށް ކުރިމަތިވި ހާލަތުގައި ރައީސް ޔާމީނަށް އެންމެ ބޮޑު ހިތްވަރެއްދިނީ ޕާޓީ ތެރޭގައި އޮތް ބަދަހިކަން ކަމަށާއި ބޮޑު މަންޒަރާ ހަމައަށް ދާންވާނީ އެ ބަދަހިކަން މަތީ ކަމަށެވެ. އަދި ޒާތީ މައްސަލަތައް ދޫކޮށް ކުރިއަށް ދިޔުމަށްވެސް އޭނާ ވަނީ ގޮވާލައްވާފައެވެ.


.:ނައިފަރު އަޕްޑޭޓް ނިއުސްޓީމް:. ޙސނ

އިތުރަށް.. »