ނައިފަރުގައި މަސައްކަތް
ކުރާ ބަންގާޅީންގެ ބަޔަކު މާރާމާރީ ހިންގައިފި ކަމަށް "އެން.ޔޫ.އެން"
އަށް މައުލޫމާތު ދިން މީހަކު މިއަދު ބުނެފިއެވެ. މިއަދު ހަވީރު 4:30 ހާއިރު ހިންގި
މިހާދިސާގައި ދެމީހުންނަށް ވެސް ބޮޑު ގެއްލުމެއް ލިބިފައިވާ ކަމަށް މައުލޫމާތު ލިބެއެވެ.
މިކަމާ ބެހޭ އިތުރު މައުލޫމާތު ދެމުން ރަށުން ވާހަކަ ދެއްކި މީހަކު ބުނީ ދެމީހުން
ވެސް މައްަސަލަ ޖެހުނީ ރޯދަ ވީއްލުމަށް މިސްކިތަށް ގެންދާ އެއްޗެހި މިސްކިތުން
ވަގަށް ގެންގޮސް އޭތި ބަހާނެ ގޮތަކާއި މެދު ކަމަށްވެސް އޭނާ ބުންޏެވެ. އިތުރު
މައުލޫމާތު ހޯދުމަށް ބަންގާޅީ މީހާއަށް ވެސް ގުޅާލީމެވެ. "ބޮންދު ބަރާބަރު
ނަމާޒް ކުރަނީ... ބަރާބަރު ރޯޒާ ހިފަނީ... ދެން މިތާ ބޮންދުމެން ކޮށީގޭ އުޅެނީ
ރޯޒާ ނުހިފާ ކުޑަކުޑަ މުސްލިމް ވައްތަރު ހުންނަ މީހާ... އޭނާ ކޮންމެ ދުވަސް
މިސްކިތް ދަނީ... ދެން ކަދުރު ކަނީ ބޭވަރު ބޭވަރު ކަނީ... މިސްކިތުގޭ ހުންނަ
އެއްޗިހި ބޮންދު ޗޯރު ހަދަނީ... ހުރިހޭ އެއްޗެއް ބޮންދު ގެންދަނީ... ބޭވަރު ކަދުރު
ގެންދަނީ... ބޭވަރު ބިސް ގެންދަނީ... އަދި ރީތި ފޭންވާންވެސް ބޮންދު ގެންދަނީ...
އެވައްތަރު ސަކަލާތް ހުންނަނީ... ރޯޒާ ހިފާ ގަޑީ ޗޯރު ހެދީމާ ބޮޑު ބޮޑު އަޒާބު
ހުންނަނީ.." ބަނގުލަދޭޝްގެ އަންވަރު ހިމާރުލް އިސްލާމް ބުންޏެވެ.
ނައިފަރުގެ މަސްޖިދުއް
ތަޤްވާ އަށް ރޯދަ ވީއްލުމަށް ދާ މީހުންގެ 80 އިންސައްތަ އަކީ ބަނގުލަދޭޝްގެ
ރައްޔިތުންނެވެ. ރޯދަ ވީއްލުމަށް އެކި އެކި ދީލަތި ފަރާތްތަކުން މިސްކިތުގައި
އިޢުތިކާފަށް ތިބޭ ރޯދަ ވެރިންނަށް ގެންދާ ތަކެތި، ބަނގުލަދޭޝްގެ މީހުން ކެއުމުގެ
އިތުރުން އޭގެ ތެރެއިން ބާކީ ވާ ތަކެއްޗާއި ބަެއް ފަރާތްތުން ޚައިރާތުގެ ގޮތުގައި
ބަހާލުމަށް ހަވާލުކުރާތަކެތި އެމީހުންގެ
ރައްޓެހިންނަށް ގެންގޮސް ދިނުމަށް ކޮތަޅުތަކުގައި ބަންދުކުރެއެވެ. މިސްކިތަށް
ގެންދާ ކޮންމެ އެއްޗަކުންވެސް އެތައްބައިވަރެއް މި މީހުން އެއްކުރުމަށް ފަހު ކޮތަޅަކަށް
އަޅައިގެން އިމާމާ ޤަމަތް ދޭން ފެށުމާއިއެކު މިސްކިތުން ނިކުމެގެން ވަގު ވަގަށް
ހިފައިގެން ދަނީ އެމީހުން އުޅޭ ގެއަށެވެ. ނައިފަރު މީހުން މިސްކިތަށް ދާއިރު
އަރައިގެން ދާ ރީތި ފައިވާނާއި، ރީތި ބޫޓް ފަދަ ތަކެތި މި މީހުން ވަގަށް ގެންގޮސް
އެހެން ރަށްރަށުގައި ތިބޭ ބަނގުލަދޭޝްގެ މީހުންނަށް އަގުހެޔޮކޮށް ވިއްކާލަނީއެވެ.
ނައިފަރުގެ އިތުރުން
މާލެއާއި ރާއްޖެ ތެޜޭގެ ރަށްރަށުގެ ގިނަ ބަޔަކު ނަމާދަށް މިސްކިތަށް، ދާއިރު
ހުކުރު ނަމާދާއި ރަމަޟާން މަހުގެ މަޣުރިބް ނަމާދު ފިޔަވައި މިސްކިތަށް ނަމާދަށް ދާ
ބަނގުލަދޭޝްގެ މީހުން މަދުކަން ފާހަގަ ކުރެވެއެވެ. ރަމަޟާން މަހު ލިބޭ ފައިދާ
ބޮޑުވީމާ މިސްކިތަށްގޮސް އަތުޖެހުނު އެއްޗެއް ވިއްޔާ ވަގަށް ގެންދާއިރު މިކަން
ނޭނގޭ މީހަކު ވަރަށް މަދުވާނެއެވެ. ރާއްޖޭގައި ގެދޮރު ޢިމާރާތްކުރުމުގެ މަސައްކަތް
ކުރާ ގިނަ މީހުންނަކީ ބަނގުލަދޭޝްގެ މީހުންނެވެ. އަދި ބަނގުލަދޭޝް އިން ރާއްޖެ
އައިސް މަސައްކަތްކުރާ ގިނަ މީހުންނަކީ އިމިގްރޭޝަންގެ ޤަވާއިދާ ޚިލާފަށް
މަސައްކަތް ކުރާ މީހުންނެވެ. (ނައިފަރު އަޕްޑޭޓް ނިއުސް ޓީމް) ކޑޒ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..