ރައީސް ޔާމީނުގެ ވެރިކަން ވައްޓާލަން އުޅުނު ކަމުގެ ތުހުމަތުގައި މިހާރު ޖަލުގައި ބަންދުކޮށްފައިވާ ދެ ފަނޑިޔާރުން ކަމަށްވާ އަލްއުސްތާޒު އަބުދުﷲ ސައީދާއި، އަލްއުސްތާޒު އަލީ ހަމީދު މުހައްމަދު އަވަހާރަފުޅު ލައްޕަވަނީ ކޮންކުރީޓް އަށްޓެއްގެ މަތީގައި އާދައިގެ ކުނަލެއް އަޅައިގެންކަމަށް އަދާލަތު ޕާޓީގެ ނާއިބު ރައީސް އަލްއުސްތާޒު އަލީ ޒާހިރު ވިދާޅުވެއްޖެއެވެ.
އަލީ ޒާހިރު މިހެން ވިދާޅުވީ އޭނާ ކުރެއްވި ޓްވީޓެއްގައެވެ
އަލީ ޒާހިރު ވިދާޅުވީ ދެ ފުލުހަކު ފަނޑިޔާރު އަލީ ހަމީދު މުހައްމަދު ގޮޅިން ނެރެ ފުރޮޅުލީގޮޑިއަކަށްލައިގެން ޑޮކްޓަރަށް ދައްކަން ގެންދިޔަ މަންޒަރު ދޫނިދޫއަށް ދިޔަ ވަކީލުންތަކަކަށް ފެނިފައިވާކަމަށެވެ. ނަމަވެސް އެމަންޒަރު ފެނުނީ ކޮން އިރަކު ކަމެއް އޭނާ ވިދާޅެއް ނުވެއެވެ.
އަލީ ހަމީދު މުހައްމަދު ހައްޔަރުކުރި ފަހުން އޭނާ ވަނީ މާލެ ގެނެސް އައިޖީއެމް ހޮސްޕިޓަލްގައި ފަރުވާދީފައެވެ.
އަލީ ހަމީދުގެ މައްޗަށް ފުލުހުން ވަނީ ރިޝްވަތުގެ ގޮތުގައި ފައިސާ ހިފުމަށްފަހު ޝަރުޢީ ޙުކުމްތައް ވަކި ގޮތަކަށް ކުރުމާއި ޤާނޫނީ ގޮތުން އުފެދިފައިވާ ސަރުކާރު ޤާނޫނާއި ޚިލާފަށް ބަދަލުކުރުމަށް މަޤާމުގެ ނުފޫޒު ބޭނުންކޮށްގެން މަސައްކަތް ކުރުމާއި ދައުލަތް ހިންގުމަށް ހުރަސްއެޅުމާއި، ޖިނާޢީ އަދުލުގެ ނިޒާމް ހިންގުމަށް ޤަސްދުގައި ހުރަސް އެޅުމުގެ ތުހުމަތު ކޮށްފައެވެ.
އަލީ ހަމީދުގެ އިތުރަށް އޭނާގެ އަނބިކަނބަލުންނާއި، އާއިލީ ދެ ބޭފުޅަކުވެސް ވަނީ ހައްޔަރުކޮށްފައެވެ. މި ބޭފުޅުންގެ މައްޗަށް ގިނަ ތުހުމަތުތަކެއް ފުލުހުން ވަނީ ކޮށްފައެވެ. އަދި އެ ތުހުމަތުތަކަށް ބާރު ލިބޭ ގިނަ ހެކިތަކެއްވެސް ލިބިފައިވާކަމަށް ފުލުހުން ދަނީ ކުރަމުންނެވެ.
.:ނައިފަރު އަޕްޑޭޓް ނިއުސްޓީމް:. މދޙ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..