މިހާރު ޗައިނާއިން ރާއްޖޭގައި ބާރުގަދަ ކުރަމުންދާ އިރު އިންޑިއާއިން މަންޒަރު ބަލާލަން އޮވެގެން ނުވާނެ ކަމަށް އިންޑިއާގެ ވެރިކަން ކުރާ ބަރަތިޔާ ޖަނާތާ ޕާޓީ (ބީޖޭޕީ)ގެ މަޖިލިސް މެމްބަރެއް ކަމަށްވާ ޔަޝްވާންތު ސިންގހާ ވިދާޅުވެއްޖެ އެވެ.
ނޫސްވެރިން ކުރެއްވެވި ސުވާލުތަކަށް ޖަވާބު ދެއްވަވަމުން ސިންހާ ވިދާޅުވި ގޮތުގައި ރާއްޖޭގެ މައްސަލަ ހައްލު ކުރުމަށް އިންޑިއާއަށް އެޅި ދާނެ ޑިޕްލޮމެޓިކް އަދި ޑިޕްލޮމެޓިކް ނޫން ފިޔަވަޅުތައް އެބަހުއްޓެވެ. މިފަދަ ހާލަތެއްގައި އިންޑިއާއިން އަމަލު ކުރަން ޖެހޭނީ އެގައުމުގެ ސަލާމަތަށް އޮތް އެންމެ ރަނގަޅު ގޮތަކަށް ކަމަށް ސިންހާ ވިދާޅުވި އެވެ.
ސިންހާ ވިދާޅުވި ގޮތުގައި ބައެއް ރިޕޯޓުތަކުގައިވާ ގޮތުން ޗައިނާއިން މިހާރު ވަނީ ރާއްޖޭގެ 18 ވަރަކަށް ރަށަށް ވެރިވެގަނެފަ އެވެ. އަދި އެއީ ވަރަށް ކަންބޮޑުވާން ޖެހޭ ކަމެއް ކަމަށާއި ޗައިނާއިން "ގޭމުތައް ކުޅެމުން ދަނީ އިންޑިއާގެ ބިއްދޮށުގައި" ކަމަށް އޭނާ ވިދާޅުވި އެވެ.
މީގެ އިތުރުން ސިންހާ ވަނީ ރާއްޖޭގެ ގިނަ އަދަދެއްގެ މީހުން އައިއެސްއާ ގުޅޭ ކަމަށާއި އެމީހުން އެނބުރި ގައުމަށް ދިޔުމުން، އެވާނީ އިންޑިއާގެ ސަލާމަތަށް އޮތް ނުރައްކަލަކަށް ކަމަށް ވިދާޅުވެފަ އެވެ.
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..