މިއީ ނޫނު އަތޮޅުގެ
ރަށެއްގައި ހިނގާފައިވާ ހަޤީޤީ ޙާދިސާއެކެވެ. މި ވާހަކަ ވިދާޅުވުމުގެ ކުރިން ކުޑަ
އިރުކޮޅަކު ފުންކޮށް ނޭވާއެއް ލައްވަވާށެވެ. ކިޔުންތެރިންގެ ފަސޭހައަކަށް މި
ވާހަކައިގާ ނަންތަކެއް ހިމަނާފައިވިޔަސް، މި ނަންތަކަކީ އަސްލު ނަންތަކެއް ނޫނެވެ.
މިވާހަކައިގާ އުޅޭ ހަކީމްބެއްޔާ އަކީ އެރަށުގައި އޭރު ހުރި ދިވެހި ބޭސް ކުރާ
މީހެއްގެ އިތުރުން، ރަށުގެ ކަތީބު ކަލޭގެފާނުން ނިޔާވުމުން ރަށުގެ ކަންތައްތައް
ބެލެހެއްޓުމާއި ހަވާލުވެގެން ހުންނެވި އެންމެ އިސް ވެރިޔާ ވެސް މެއެވެ.
ދުވަސްވަރަކީ
ރާއްޖޭގައި ނުރައްކާތެރި ކަށިވިދުރި ބަލި ފެތުރި ގިނަބަޔަކު މަރުވަމުން ދިޔަ ބިރުވެރި
ދުވަސްކޮޅެކެވެ. މުޅިރާއްޖެއިން 30000 ހައި މީހުން މިބަލީގައި މިދުނިޔެއާއި ވަކިވެ
ގޮސްފައިވާކަމަށް ތާރީޚް ދިރާސާކުރައްވާ ފަރާތްތަކުން ހާމަކުރެވެ. ކަށިވިދުރިއަކީ
ގައިން ގަޔަށް އަރާ ނުރައްކާތެރިބައްޔެކެވެ. މި ބަލި އެންމެ ފަހުން ފެނިފައިވަނީ 1952 ވަނަ އަހަރުއެވެ. އަދި މި ބައްޔަށް
އަތްކަނޑައިގެން ދޭ ވެކްސިން ދިނުން ހުއްޓާލީ 1980 ވަނަ އަހަރުއެވެ.
ނޫނު އަތޮޅުގައި ފެތުރެމުން
ދިޔަ ކަށިވިދުރީގެ ބަލީގައި މަރުވަމުން ދިޔަ ކުޑަކުދިންތަކާއި ބޮޑެތިމީހުންތައް މި
ބަލިން މިންޖުވޭތޯ ރަށުގެ ކަމުވޮށިވެގެންވާ ގިނަ އަދަދެއްގެ ބަޔަކު، އޭރުގެ ކަތީބު ބުނުއްވައިގެން ބޮޑު ދުމާއި ހިނގިއެވެ.
ބޮޑުދުމާއި ހިނގުމަކީ ބޮޑު ތެއްޔަކަށް ނާށި އަނގުރު އަނދާ އަޅައިގެން
ގޮމަކަސްތުރިއާއި، މާވަހަރާއި، ހުނގުފަދަ މީރުވަސްދުވާ ތަކެތިން، ރަށުތެރޭ
ހިނގަމުން، ތަކުބީރާއި ތަހުލީލު ކިޔަމުން ރަށުގެ ހުރިހާ މަގަކަށާއި އަތިރިމަގާއި
ވަލުތެރެއަށް ދުން އެޅުމެވެ. މިކަން އެންމެ ވައްތަރުވާނީ މަދިރި މެރުމަށް
ރިސޯޓްތަކުގައި ފޮގް ސްޕްރޭ ކުރުމާއި އެވެ.
(ނުނިމޭ)
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..