މުހައްމަދު ނައީމް (މޮނާޒާ ނައީމް) އާއި އިތުރު މީހަކު ހޯދުމަށް ފުލުހުން މިއަދު އިއުލާނުކޮށްފި އެވެ. މޮނާޒާ ނައީމަކީ ހޯމް މިނިސްޓްރީގެ ކުރީގެ ސްޓޭޓް މިނިސްޓަރެވެ.
ފުލުހުން ބުނީ އެ ދެމީހުން ހޯދަމުން ދަނީ، ސިވިލް ކޯޓަށް ހުށަހެޅިފައިވާ، ހުކުމް ތަންފީޒުކުރުމުގެ މައްސަލަތަކެއްގައި ހާޒިރުކުރަން ބޭނުންވެ، ހާޒިރު ނުކުރެވިފައި ވާތީ، ބަންދުގައި ބަހައްޓައިގެން ކޯޓަށް ހާޒިރުކުރުމަށް ފުލުހުންގެ މައްޗަށް އަމުރުކުރުމުން ކަމަށެވެ.
ފުލުހުން ބުނީ ކޯޓުން އަމުރުކޮށްފައި ވަނީ މޮނާޒާ ނަޢީމް މިއަދު 10:00 އަށް އޭނާ ކޯޓަށް ހާޒިރުކޮށްދިނުމަށް ކަމަށެވެ.
ނަޢީމުގެ އިތުރުން ފުލުހުން ހޯދަމުންދަނީ ސ.މަރަދޫފޭދޫ، ނަސީމީގެ، މުޙައްމަދު ޝާނީޒެވެ. ކޯޓުން އޭނާ ހޯދަމުން ދަނީ ޔުނައިޓެޑް އޮޓޯ މޯބައިލް ކޮންޕެނީ ޕލކ އިން ދައުވާކުރާ މައްސަލައަކާ ގުޅިގެންނެވެ. ކޯޓުން އަމުރުކޮށްފައި ވަނީ މާދަމާ 10:00 އަށް އޭނާ ކޯޓަށް ހާޒިރުކުރުމަށެވެ.
ފުލުހުން ވަނީ، ނައީމާއި ޝަނީޒާ ގުޅޭ އެއްވެސް މައުލޫމާތެއް ލިބިފައިވާ ނަމަ، ފުލުހުންނަށް ވީހާވެސް އަވަހަކަށް އެކަން އަންގައިދިނުމަށް އެދިފަ އެވެ.
.:ނައިފަރު އަޕްޑޭޓް ނިއުސްޓީމް:. މދޙ
0 ޚިޔާލު:
Post a Comment
މި ލިޔުމާއި މެދު ޚިޔާލެއް ދެއްވާ..