މާވަހަރާއި އޮޑިވެރިޔާ ގެ ކޯޅުން

"އެން.ޔޫ.އެން" އަށް މައުލޫމާތު ދެމުން ޅ.ނައިފަރުގައި ދުއްވާ "ނަސްރު" ދޯންޏަށް ޒިޔާރަތްކުރި މީހަކު ބުނީ ދޯނިން ހޮވި މާވަހަރު ބަހާނެ ގޮތަކާއިމެދު އޮޑިވެރިޔާ އާއި ފަޅުވެރިން ދެބަސްވެ އެންމެ ފަހުން ބޮޑު ހަޅުތާލަކަށް ހިނގައްޖެކަމަށެވެ. "އަސްލު އޭނާ ބޭނުންވަނީ ލާރި... ޗަހަރެ ފެންނަ ސޮރު (ޔޫސުބު) ވެސް ފެންނަނީ ސަތޭކަ ރުފިޔާގެ ނޫޓެއްހެން... ކީކޭ ދެން ބުނާނީ..." ގަދަރުއްމާނުގެ ބަދަވި ޖައުފަރު  "އެން.ޔޫ.އެން" އާ ހިއްސާ ކުރަމުން ބުންޏެވެ. މާވަހަރު މިހާރު އޮތީ ބޮޑުފޮށި އަޑިއަށް ލާފަ ކަމަށާއި، މާވަހަރު ކައިރީގައި 24 ގަޑިއިރު "ދޯނީގެ ސަލާމަތީ ބާރުތަކުން" ފޯރި މަރަމުން ދާކަމަށްވެސް މުޖައްރިބު ގޮތަކަށް އެނގިފައިވެއެވެ.

 (ނައިފަރު.އަޕްޑޭޓް.ނިއުސް ޓީމް)

އިތުރަށް.. »

ނައިފަރުގައި މަސާޖު ޕާލާއެއް ހުޅުވައި ހިންގުމުގެ ހުއްދަ ދީފި

މި ސަރުކާރުގެ ހެޔޮފުޅުކަމާއިއެކު، ނައިފަރުގައި މަސާޖު ޕާލާއެއް އިއްޔެގެ ވަގުތެއްގައި ހުޅުވައި ހިންގައިދެނީ، ނައިފަރުގައިތިބި ކުޑަކުދިންނާއި ބެހޭ، މީހުން ކައިރިއަށް ވަންނަ އަދި އެއްޖިސުން ގުޅުން ހިންގާ މީހުންނަށް ޚާއްޞަކޮށްގެންނެވެ. މި މަސާޖުޕާލަރގެ ބިންގާ އަޅާފައިވަނީ 17 ފެބްރުއަރީ 2012 ގައެވެ. ނައިފަރު ޖަލާލުއްދީންމަގުގައި ހުންނަ ސޮޑާގޭގައި ހުޅުވި މި އިމާރާތުން ހަމައެކަނި ރޭވެސް 35 ދިވެހިންނާއި 12 ބިދޭސީން ޚިދުމަތް ހޯދާފައިވެއެވެ. މިހާ އަވަހަށް މި އިމާރާތް ހުޅުވީ މި ދުވަސްވަރަކީ މަސްވެރިކަން ރަނގަޅު ނޫން ދުވަސްވަރެއް ކަމުން ރަށުގައި މަޑުކޮށްލައިގެން ތިބޭ މީހުންނަށް "އަރާ ހާލު ފަންވަރު" ކުޑަކުރުމުގެ އިތުރުން، މި މީހުން މިގޮތަށް ކަމެއްނެތިފަ ތިބެންވެއްޖެނަމަ މި ބައިމީހުންގެ ޝިކާރަޔަކަށްވެ ހަނާ ވެގެން ދާ، މީހުންގެ އަނބީންނާއި، ބިކުރުވެރި ޅަކުދީންގެ ސަލާމަތާއި ރައްކާތެރިކަމުގެ ގޮތުންނެވެ. "އަޅޭ ލާއިލާ... މިރަށުގޭ މިތިބީ ހުސް ޅަތެލަނގައިގެ އަހުލުވެރިން.. ފަޅޭލާން ވެއްޖިއްޔާ ހެވޭ ދެންމެ ވިހޭ ކުއްޖަކަސް... ހުވޭ މިބުނީ... މީހުންގެ އަނބިން ކޭރިޔަށްވެސް ވަންނަނީ... އަދި މަސް ނުބާނާ، މީހުންގަނޑު ކަންނެލި ބުރު ނިންމޭފޭ އަންނަ ދުވަސްކޮޅު މިކަންތައްގަނޑު މާ ބޮޑު... ޕޮލިހުންވެސް އުޅެނީ އެއްގަމު މަސްވެރިކަމުގޭ..."  "އެން.ޔޫ.އެން" އަށް މައުލޫމާތު ދެމުން މީހަކު ބުންޏެވެ. މިދިޔަ 2011 ވަނަ އަހަރުވެސް  ނައިފަރުގައި ވަނީ މީގެ 3 މައްސަލައެއް ފެންމަތިވެ ތަހުޤީގު ކުރުމަށްފަހު ޕްރޮސެކިއުޓަރ ޖެނެރަލް އަށް ފޮނުވާފައެވެ.

(ނައިފަރު.އަޕްޑޭޓް.ނިއުސް ޓީމް)

އިތުރަށް.. »

މުހައްމަދު ރަޝީދު 10 އަހަރަށް ޖަލަށްލުމަށް ކްރިމިނަލް ކޯޓުންހުކުމްކޮށްފި

ވިޔަފާރީގެ ބޭނުމަށް އަތުގައި ބެހެއްޓިކަމުގެ ކުށުގައި އުމުރަށް ޖަލަށްލުމަށް އަދި ބޭހުގެ ގޮތުގައި ބޭނުންކުރެވޭ މަސްތުވާ އެއްޗެއް ކަމަށްވާ ޑައިޒެޕަމް، ވިޔަފާރީގެ ބޭނުމަށް އަތުގައި ބެހެއްޓުމުގެ ކުށުގައި ކްރިމިނަލް ކޯޓުން ޙުކުމްކޮށްފައިވަނީ ދަފްތަރު ނަމްބަރު ،1307 މުހައްމަދު ރަޝީދު 10 އަހަރަށް ޖަލަށްލުމަށް ކްރިމިނަލް ކޯޓުން ހޯމަ ދުވަހު ހުކުމްކޮށްފި އެވެ.

އޭނާގެ މައްޗަށް ދައުލަތުން ދައުވާކޮށްފައިވަނީ މިދިޔަ އަހަރުގެ މާޗް މަހުގެ 12 ވަނަ ދުވަހު ހަވީރު ބްލޫ ލައިޓް ލެގޫންސް ހޮޓަލުގައި މަސްތުވާތަކެތި ގެންގުޅޭ ކަމަށް ފުލުހުންނަށް މައުލޫމާތު ލިބިގެން ފުލުހުން އެ ތަނަށް ގޮސް އޭނާ ހައްޔަރުކޮށް ހަށިގަނޑު ފާސްކުރުމުން އޭނާގެ ޖީބުން މަސްތުވާތަކެތި ފެނުނު މައްސަލައިގަ އެވެ.

އެ ދުވަހު އޭނާގެ ޖީބުން 9.2313 ގްރާމް ހެރޮއިންއާއި 26.7625 ގްރާމް ޑައިޒެޕަމް ފެނިފައިވެ އެވެ. އޭގެ ތެރެއިން ޑައިޒެޕަމް އަކީ ބޭހުގެ ގޮތުގައި ބޭނުންކުރެވޭ މަސްތުވާ އެއްޗެކެވެ.

ކްރިމިނަލް ކޯޓުގެ ހުކުމުގައިވަނީ އަހުމަދު ރަޝީދު އަބްދުލްބާގިރުގެ ޖީބުން މަސްތުވާތަކެތި ފެނުނު ކަން ހެކިންގެ ހެކިބަހުން ސާބިތުވާ ކަމަށެވެ. އަދި އޭނާގެ ޖީބުން ފެނުނު ބޭހުގެ ގޮތުގައި ބޭނުންކުރެވޭ މަސްތުވާތަކެތި އޭނާގެ އަތުގައި ހުރީ ދައުލަތުގެ ކަމާ ބެހޭ ފަރާތެއްގެ ހުއްދަ ލިބިގެންކަން އޭނާ އަށް ސާބިތުކޮށްދެވިފައި ނުވާ ކަމަށެވެ.

އެހެންކަމުން މަސްތުވާތަކެތީގެ ކުރީގެ ގާނޫނުގެ ދަށުން، ބޭހުގެ ގޮތުގައި ބޭނުންކުރެވޭ މަސްތުވާ އެއްޗެއް ވިޔަފާރީގެ ބޭނުމަށް އަތުގައި ބެހެއްޓުމުގެ ކުށަށް 10 އަހަރަށް އަދި މަނާކުރެވިފައިވާ މަސްތުވާ އެއްޗެއް ވިޔަފާރީގެ ބޭނުމަށް އަތުގައި ބެހެއްޓުމުގެ ކުށަށް އަހުމަދު ރަޝީދު އަބްދުލްބާގިރު އުމުރަށް ޖަލަށްލުމަށް ހުކުމްކުރާ ކަމަށް ހުކުމުގައިވެ އެވެ.

 (ނައިފަރު.އަޕްޑޭޓް.ނިއުސް ޓީމް)

އިތުރަށް.. »

ޅ. ނައިފަރު ދޯންޏަކުން މާވަހަރެއް ހޮވުން

   ޅ. ނައިފަރުގައި ދުއްވާ ދޯންޏަކުން 15 ކިލޯގެ މާވަހަރެއް ހޮވައިފިއެވެ. މީގެ 5 ދުވަސް ކުރިން ހޮވި މާވަހަރު މިހާރު އޮތީ އެދޯނީގެ ވަތުތެރޭގައި، ބާއްވާފައެވެ. ދޯނިން ވާހަކަ ދެއްކި މީހަކު ނަން ނުޖެހުމަށް ޝަރުތުކޮށްފަ  "އެން.ޔޫ.އެން" އަށް މައުލޫމާތު ދެމުންބުނީ، "މަށަކަށް ނޭގެ ޗަޔެއް ބުނާކަށް... މަވެސް އޮތީ ނިދޭފޭ... އޮއްވޭ ދޯނި ކުއްޖަކު ގޮވޭފޭ ބުނީ، ކަލޯ އޭ، ތެދުވާށޭ، މިއޮތީ މާވަހަރެކޭ.. ދެން މަ ލޯ އުނގުޅަމުން ދަނިކޮށް މަ ވެއްޓުނީ ވަތުތެރެއަށް... އެރި އައްސީގޭ ތެދުވާން އުޅެނިކޮށް ކަރުގޭ ޅާޔަކު ދާވަނި އަޅުވޭފޭ މަ ނެގީ.. މަށަށް އޮތީ ގޮރުވެސް ހެޑެފޭ... " ކަމަށެވެ.  މިހާރު މާވަހަރު ހިފައިގެން މާލެ އަންނަން ދަތުރު ފަށާފައިވާ ކަމަށްވެސް އޭނާ ބުންޏެވެ. "ޗަތިބި ކައުޅުންތަށް ބުނަނީ ހިޔެއް ނުވެޔޯ މީ މާވަހަރެއް ހެންނެއް...ހޯ... ތާރު ގުޅައެއް ނޫނީ ބޮޑު ގޮންގުރެޓް (ކޮންކްރިޓް) ގަނޑެކޯ.. އެކަމަކު ޗަހަރެފެންނަ މަޔާފޮކި ބުނި މާވަހަރެކޯ... ޗަހެން ކިޔޭގެން ޗަޅާ މެން ޗައުޅެނީ މި މާވަހަރު ބަނޑު އަޅާން ވެގެން... އަޅޭ އެޅާ އުޅުނީ މަ މަރާން ވެގެން، މަ ބިސްގަނޑުގޭ ދާވަނިވެސް އަޅުވާން އުޅުނީ.. މަށަށް ހަދޭލެވުން އެއްޗަކުން މަ ކަރުގޭ އޭތި އެ އަޅޭ ގަތީ.. އަޅޭ ގަތްނަމަ މަ ބިސްގަނޑެއް ނޫންތަ އިރޭގެން ދާނީ... ހަރާންބަކަރިތަށް އަދި އެބަ ހެޔޭ ތިބެގެން... " އޭނާ ރުޅި ގަދަވެގެން އެހެން ބުންޏެވެ. ދޯނީގައި އުޅޭ ދެތިން މީހަކުވެގެން އެ މާވަހަރު ވަގަށް ނަގަން އުޅޭކަންވެސް ވަނީ ތޯނު މުޖައްރިބު ގޮތަކަށް "އެން.ޔޫ.އެން" އަށް އެނގިފައެވެ.

(ނައިފަރު.އަޕްޑޭޓް.ނިއުސް ޓީމް)

އިތުރަށް.. »

ސައިކަލެއްގައި ރޭ ބަޔަކު ރޯކޮށްލައި އިތުރު ސައިކަލަކަށް ގެއްލުންދިނުން

އެ ސައިކަލްގެ ވެރިމީހާ، ހ. ތަބުރުވިލާ އައްދުއްރަހުމާނު މިއަދު "އެން.ޔޫ.އެން" އަށް މައުލޫމާތު ދެމުން ބުނީ ރޭ ދަންވަރު އެކެއްޖަހާ އެހާކަންހާއިރު އޭނާގެ ސައިކަލްގައި ރޯވެފައިވާ ކަން އެނގުނީ ވަރަށް ބާރު އަޑެއް އިވިގެން ގޭތެރޭގައި ހުރެފައި ނުކުތްއިރު ކަމަށެވެ. އެވަގުތު އެ ގޯޅިތެރޭގައި ހުރި އެހެން ގެއެއްގެ ބަޔަކު ފެން ޖަހައި ސައިކަލްގައި ރޯވެފައިވާ އަލިފާންގަނޑު ނިއްވާލާށޭ ގޮވަމުން ދިޔަ ކަމަށެވެ. އަދި ސައިކަލްގައި ރޯވެފައިވާ އަލިފާންގަނޑު ނިއްވާލާފައިވަނީ އެމީހުންނާއި އޭނާގެ ގޭ މީހުން ވެގެން ކަމަށް ވެސް އޭނާ ބުންޏެވެ.


އަބްދުއްރަހުމާން ބުނީ ބުރުޒުމަގުން ވަދެވޭ ގޮތަށް އޮންނަ ނޫމުތީގޯޅީގައި ހުރި އޭނާގެ ސައިކަލު ބަޔަކު ރޯކޮށްލާފައި ވަނީ ގަސްދުގައި ކަމަށް ބެލެވޭ ކަމަށާއި ސައިކަލްގެ ކައިރީގައި ކަރާސީނު އަޅާފައި ހުރި ހުސް ފުޅިއެއް ވެސް އޮތް ކަމަށެވެ. އަދި ބުނީ ސައިކަލަށް ބޮޑު ގެއްލުމެއް ލިބިފައިވާ އިރު އެގޯޅިތެރޭގައި ހުރި އެހެން ސައިކަލެއްގެ މަޑިދަށަށް ކޮންމެވެސް އެއްޗެއް ލައި މަތާލައި އެ ސައިކަލްގެ މަޑިއަށް ކޮންމެވެސް ވަރެއްގެ ގެއްލުމެއް ދީފައިވާ ކަމަށެވެ.

"ގޭގައި ތިބެފައި ނުކުތް އިރު ގޭކުރިމަތީގައި ހުރި ގޭ މީހުން ފެންޖަހާށޭ ގޮވަމުން ދިޔަ، އޭރު ސައިކަލްގެ އިންޖީނު ކައިރީގަ އާއި މަޑީގައި ހުރީ އަލިފާން ރޯވެފައި. ލަފާކުރެވެނީ ކަރާސީނު އަޅައި ބަޔަކު ގަސްދުގައި ރޯކޮށްލާފައިވާ ކަމަށް،" "އެން.ޔޫ.އެން" އަށް މައުލޫމާތު ދެމުން އަބްދުއްރަހީމް ބުންޏެވެ. މިހާދިސާ ހިނގި ކަން ވަނީ ފުލުހުން ވެސް ވަނީ ކަށަވަރުކޮށްދީފަ އެވެ. ފުލުހުން ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ.

 (ނައިފަރު.އަޕްޑޭޓް.ނިއުސް ޓީމް)

އިތުރަށް.. »

އެމްޕީއެލްގެ މަޖޫރީން މިއަދު މަސައްކަތް ހުއްޓާލައި ނުރުހުން ފާޅުކުރަނީ

މާލޭ ވިޔަފާރި ބަނދަރު ސަރަހައްދުގައި މަޖޫރީންނަށް ހާއްސަކޮށްފައިވާ ޓީވީ ނެގުމުން ހިތްހަމަނުޖެހުން ފާޅުކޮށް، މިއަދު މަސައްކަތް ހުއްޓާލައިފި އެވެ.

އެތަނުގައި ނުރުހުން ފާޅުކުރަމުންދާ މީހުން ބުނީ ރޭ ދަންވަރުގެ ވަގުތެއްގައި އެތަނުގައި ހުރި ޓީވީ ނަގާފައި ވަނީ، މަޖޫރީން އަބަދު ރާއްޖެ ޓީވީ ބަލާތީ އެމްޕީއެލް އިން ކަމަށެވެ. ރޭ މެދުޒިޔާރަތް ކުރިމަތީގައި ބޭއްވި އެމްޑީޕީގެ މުޒާހަރާ ލައިވްކުރަމުންދިޔަ މަންޒަރު އެތަނުގައި، ރާއްޖެ ޓީވީ އިން ބަލަމުން ދަނިކޮށް، ބަޔަކު ކަރަންޓް ކަނޑާލި ކަމަށް ވެސް އެކަކު ބުންޏެވެ.

"މިއަދު ހެނދުނު މިތަނަށް މީހުން އައިމަ އެނގުނީ އެމްޕީއެލް އިން ޓީވީ ނެގިކަން. އެ މީހުން އަބަދުވެސް ވަރަށް ހިތްހަމަނުޖެހޭ މިތަނުގައި އަބަދު ރާއްޖެ ޓީވީ އަޅުވާފައި ހުންނާތީ،" މުދާ ކްލިއާ ކުރާ ގްރޫޕެއްގެ މީހަކު ބުންޏެވެ.

މަޖޫރީން ހިތްހަމަނުޖެހުން ފާޅުކުރަމުންދާ މައްސަލާގައި އެމްޕީއެލްގެ އޮފިޝަލަކު ވިދާޅުވީ މެނޭޖްމަންޓުން އެތަނުގައި ހުރި ޓީވީ މިއަދު ނެގީ އެހެން ޓީވީއެއް ބެހެއްޓުމަށް ކަމަށެވެ. އެ ޓީވީ ނަގާފައި ވަނީ ރާއްޖެ ޓީވީ ބަލާތީ ކަމަށް މަޖޫރީން ބުނާ ބުނުން އޭނާ ދޮގުކުރެއްވި އެވެ.

"މި ދުވަސްވަރުގެ ގޮތުން ކޮންމެ ކަމެއް ވެސް ދާނީ ސިޔާސީ އިޝޫއަކަށް. އެތަނުގައި އެހެން ޓީވީއެއް ބަހައްޓަންވެގެން ޓީވީ ނެގީ،" އޭނާ ވިދާޅުވި އެވެ.

ކޮންޓެއިނަރުތައް ހުސްކުރުމުގެ މަސައްކަތް ވެސް މި މައްސަލައާ ހެދި އޮތީ ހުއްޓާލައި އަދި ގޭޓު ވެސް ބަންދުކޮށްފަ އެވެ. ލޮރީތައް އެމްޕީއެލް ކައިރީގައި ޕާކުކޮށްފައި، މަޖޫރީން ގެންދަނީ ހިތްހަމަނުޖެހުން ފާޅުކުރަމުންނެވެ.

"ޓީވީ ހުރި ތަނުގައި ނުބަހައްޓަނީސް ގޭޓެއް ނުވެސް ހުޅުވޭނެ. އެއްވެސް ޕިކަޕެއްގެ މީހަކު މުދާ އަރުވަން އެތެރެއަކަށް ވެސް ނުވަންނާނެ،" އެތަނުގައި ހުރި އެމްޑީޕީ އަށް ތާއީދުކުރާ މެދު އުމުރުގެ މީހަކު ބުންޏެވެ. "އެ ޓީވީ އަކީ ނަޝީދު [ކުރީގެ ރައީސް މުހައްމަދު ނަޝީދު]ގެ ވެރިކަމުގައި އަހަރެމެންނަށް ރައީސް އޮފީހުން ދީފައި ހުރި ޓީވީއެއް. އެ ޓީވީއަކަށް އެމްޕީއެލްއަކަށް ބާރެއް ނުފޯރުވޭނެ. އެތަނުގެ ކަރަންޓް ބިލާއި ކޭބަލް ބިލް ވެސް ދައްކަނީ އަހަރެމެން އަމިއްލަ އަށް."

އެމްޕީއެލް އިން ބުނީ އެ ޓީވީ އަކީ މަޖޫރީން ބެލުމަށް އެ ކުންފުނިން ބެހެއްޓި ޓީވީއެއް ކަމަށެވެ. އަދި އެ މައްސަލަ ހައްލުކުރުމަށް ވާހަކަ ދެއްކުމަށް ކުންފުނިން އެދުމުން ވެސް އެތަނުގައި ތިބި މީހުން ދެކޮޅު ހަދާފައިވާ ކަމަށް އެމްޕީއެލް އިން ބުންޏެވެ.

 (ނައިފަރު.އަޕްޑޭޓް.ނިއުސް ޓީމް)

އިތުރަށް.. »